الموضوع: الحمد لله لاريدو 2001

العربيات دى لما نزلت كان فتيس الغرز فيه زيت atf+4 وبعدين كرايزلر نزلتلها زيت تانى مخصوص لفتيس الغرز بتاعها بالرقم بتاع موبار اللى انت ذكرته - ومن فترة حوالى سنتين تلاته كان فيه واحد صاحبى متربس دماغه ويحط الزيت الموبار بتاعها بس برضه ملاقاهوش فى مصر وساعتها راسلنا كرايزلر امريكا وكرايزلر كندا وكرايزلر ايطاليا بنقولهم مافيش عندنا نعمل ايه ؟؟؟؟؟ كندا وامريكا ردوا بانه لابد من استعمال النوع الموبار وبعدين كرايزلر ايطاليا ردوا بان ممكن نستعمل زيت موبيل ٤٢٤ كبديل بدون اى مشاكل فيعتبر ده رد رسمى وبصراحه ساعتها صاحبى جابه واستعمله وسألته النهاردة قاللى انه فعلا ملاقهوش فى موبيل غير براميل زى ماقالولك وبعدين قالوله انه بيستخدم عند بتوع المعدات الهيدروليك التقيلة لانه بيستخدم فيها فهو كان يعرف واحد بتاع معدات من دى وسأله وفعلا جابله ملو جركن ٥ كيلو .
عموما لو الهيئة العربية قالولك استعمل atf+4 يبقى استعمله زى ماقالوا - بس تابع هلى فيه اصوات عالية او بتحس بحاجه يعنى خلى ودنك مع العربية وجرب الدفع الرباعى بتاعها الهاى واللو وشوف هلى فيه اصوات غريبة ولا اى رسائل تحذير او لمبات فى التابلوه - وكمان هل انت متأكد انهم زودوا زيت فتيس الغرز ولا زيت الكورونة الامامية لان الكورونة الامامية هى اللى بيتحطلها زيت تروس ١٤٠ والخلفية زيت تروس ٩٠ ؟؟؟ لان صعب جدا ان زيت فتيس الغرز ينقص