الموضوع: الحمد لله لاريدو 2001

المشاركة الأصلية كتبت بواسطة yk_5

الحمد لله ربنا وفقنى فى لاريدو 2001 V8 بفضل ربنا ثم خبرة خضراتكم وخاصة المهندس أحمد عبد الفتاح ومحتاج خبرة حضراتكوا فى الآتى:
1- أفضل زيت متوافق مع الموتور ده والعربيه بتاخد كام كيلو.
2- بدائل ماركات الكاوتش المحترمة اللى تناسب العربية (هى فيها كاوتش cooper بس مقاسة غلط وحالته وحشه) جنوط العربية 17 مش عارف ازاى ؟ مواصفات العربيه على النت بتقول 16 . فعلى الوضع الحالى بجنوط 17 المفروض مقاس الكاوتش 235 × 65 × 17 لو حد له رأى تانى ياريت يفيدنى.
3- زيت الفتيس الأصلى بيجى منين وهل له كود معين؟
4- محل بيع قطع الغيار أصلية (فلاتر جوانات اويلسيهات ..... الخ).
5- محل بيع قطع غيار استيراد.
ملحوظة: انا من القاهرة
خالص الشكر لحضراتكم

- زيت الموتور انصحك بزيت شل الترا هيلكس 5w30 او 10w30 وغيار الزيت بالفلتر حوالى ٦ لتر الاشوية
- زيت الفتيس استعمل mopar -ATF+4 وبتاخد حوالى ٦ لتر ( لو حد يعرف يسحب الزيت كله الكمية حاتزيد )
- الكاوتش مقاسه 235-65-R17 مظبوط لان العربية دى بالذات من منتصف ٢٠٠١ لغاية اخر ٢٠٠٢ نزلت بجنوط ١٧ - وانصحك بميشلان لاتيتيود latitude لانه بيشتغل اسفلت وصحرا وفرده بتستحمل ومش بتتخرم بسهوله وعمرها طويل بس غالى شوية .
قطع الغيار ممكن تبدأ بمكرم اللى فى الوكالة والاستعمال فى الحرفيين
والف مبروك وربنا يباركلك فيها ويكفيك شرها وشر العين

المشاركة الأصلية كتبت بواسطة yk_5

المواقع بره بتقول ان الزيت الموصى به لفتيس Quadra Drive هو:

Transfer Case Fluid: Mopar NV245/247/249 fluid, P/N 05016796AC ONLY

وبيحذروا من اسخدام اى زيت بخلاف الزيت ده ......
هنا السؤال الزيت ده موجود عندنا والا الموجود Mopar ATF + 4 فقط واحنا بنستخدموا بدلا من الموصى به وخلاص ؟؟؟؟؟

حضرتك الـ Quadra Drive هو طراز فتيس الغرز Transfer case مش الفتيس الأوتوماتيك الـ Transmission - وزيت فتيس الغرز فى العربية دى بيعيش كتير ماتقلقش منه ولو حبيت تغيره ممكن تستعمل موبيل ٤٢٤ أو برضه ATF+4
لكن الفتيس الأوتوماتيك ATF+4