الموضوع: نهى .....زهرة المنتدي اليانعة .... الي اللقاء و ألف مبروك

نتمنى لكِ حياة سعيدة
ربنا يوفقك في زواجك ويرزقك الذرية الصالحة

ربنا يوفقها و يسعدها و يرزقها بالذرية الصالحة ان شاء الله
اعتقد ان اغلب الاهضاء لو وافقت نهى طبعا تبقى زفتها بعربيات اعضاء نايل موتورز و دى تبقى اقل حاجة نايل موتورز يقدمها لنهى فى يوم فرحها

انا داخل اقول حاجه واحد بس حرررامممممممممممم عليك يا احمد باشا العنوان ده انا لما شوفت العنوان اتصدمت و ماكنتش ناوى افتح التوبك ده و بجد رجلى اتخشبت مكنها لكن الحمد لله طلع خير و الموضوع جميل و كله تمام

نيجى بقى لصاحبه الموضوع الاساسى نهى هانم

بجد هانفتقدك جدا و هاتوحشينا اوى اوى و يارب ربنا يوفقك و يرزقك بالذريه الصالحه و يكونوا خير سند ليكى انتى و محمود يارب

ربنا يوفقها فى حياتها ان شاء الله
بس غريبة طلب وقف العضوية دى ماكانت تكتفى بعدم الدخول وخلاص!!!!!!!!!!!!!!

المشاركة الأصلية كتبت بواسطة Hassan Khalil

عنوانك لعب في دماغي يا حاج احمد ...
و دخلت الموضوع و انا باقول يا ريت كل شئ يكون علي ما يرام
و الحمد لله طلعت الاخبار حلوة ...
بعد كده يا حاج ابقي حط سمايلي و اللا حاجة في العنوان :)
***********

يا نهااااااااااااار دنا حصلي رعب ما بعده رعب لمدة عشر ثواني يا حج أحمد حراااااااام بس الحمد لله أخبار حلوة و وحشة في نفس الوقت .

المنتدي بالفعل ناقصه حاجة من ساعة ما نهي تغيبت عنه و انا كنت بحاول أعرف سبب غيابها للأسف معرفتش و الشئ المحزن إن عرفت دلوقت إن هذا الجزء هيفضل ناقص .

يا ريت ترجعي بسرعة يا نهي عشان انا إتعودت علي نايل موتورز "لوكشة" واحدة علي رأي دكتور شيكو .. بأعضائه كلهم اللي إنتي شخصية مميزة فيهم فا أكيد هنحس كلنا بغيابك :(
طب بذمتك ال DNB هنسميه إيه بعد ما تمشي !؟

الخبر الحلو إنك بتتقدمي في حياتك و طبعاَ بتمنالك كل خير و كل سعادة إن شاء الله .

رااااااااااجعي نفسك بقي
إحنا already مفتقدينك بجد .

المشاركة الأصلية كتبت بواسطة Dr_Smart

بس الحقيقة مصطلح banned ده مش ظريف خالص واعتدنا على انه وصف للمحظور دخولهم المنتدى بسبب التجاوزات

اقترح تغيير الاسم الى " عضو ( مميز او ايا كان وصفها ) سابق او قديم "

أتفق معاك 100% يا دكتور .
يا ريت يكون فيه tag جديد للتمييز بين عضو تم إيقاف عضويته بناء علي رغبته و عضو تم إيقافه لمشكلة أو للشغب داخل المنتدي .