مشكلة عدم نقل السرعة في الفتيس الاوتوماتيك أحيانا nissan sunny

**ahmed.zahra** · 25-01-2016 10:57 AM

ده مش بسبب عيب في الفتيس و لكن بسبب أهمال في تغيير زيت و فلتر الفتيس. و أي عربية أو أي حاجة في الدنيا بشكل عام حتهملها لازم حتبوظ

**ahmed.zahra** · 25-01-2016 10:58 AM

المشاركة الأصلية كتبت بواسطة mohamed.ali012

كانت موجوده عندى ونفس الموديل وهى مشيه على من 20الى40 العربيه تفصل وتقعد تزود بنزين وخلاص والمشكله طلعت فالفات فبدل متقعد تدور كثير وتلف على مكانكيه وكل واحد يقلك كلمه لانى عملت كده فانا بقللك الحل على طول غير الفتيس استيراد على طول ثمنه 2000 ج والمصنعيه 150 واشترى نفوخك لانك والله هتقعد تلف ومش هتوصل لحل

ممكن نعرف حضرتك جبت الفتيس منين و ركبته عند مين لأن في واحد صديقي احتمال يغير فتيس.

**salam100100** · 27-01-2016 10:02 AM

المشاركة الأصلية كتبت بواسطة nissanmatef

السلام عليكم أهل المنتدى الكرام
عندي مشكلة تحتاج لخبرتكم السيارة نيسان صني 2005 ياباني اوتوماتيك 1600 سي سي.
ساعات (مرة كل يومين مثلا) وانا ماشي على ال d والسرعة تقريبا مثلا في حدود الاربعين الفتيس صوته يعلى وال rpm يرتفع والفتيس مش بينقل خالص وكانه على الاول او بالكتير التاني ده بيستمر بعض الوقت دقيقة مثلا وبعدين يختفي وكأن شيئا لم يكن..
أنا كنت غيرت الزيت بعد مدة كبيرة تقريبا مشيت عليه 100000 وكنت جايب العربية عند 50000 يعني العداد عامل 150000..
في ناس بتقولي دي مشكلة فتيس ولازم تغيره لانه ممكن يعملك كده في مرة والعربية تقف المهم تغيير الزيت من شهرين محلش الموضوع بل المعدل بتاع حدوث المشكلة دي زاد شوية صغيرين مؤخرا
المشكلة إني مش مقتنع إن الفتيس بايظ لأنه في الاوقات الطبيعية شغال كويس جدا ومفيش لمض منورة ولا حاجة.. نفسي حد يديني رأي مقنع ويلحقني من المشكلة دي الللى تكاليف المحاولة فيها غالي جدا؟؟
منتظر تعليقاتكم بفارغ الصبر

كنت بتفرج على فيديو على يوتيوب لميكانيكى بيتكلم عن اعطال الفتيس
المهم قال معلومه غريبه جدا:
قال ان ساعات بعد متغير زيت الفتيس تلاقى الفتيس بقى اوحش من الاول
لان الزيت القديم كام تقيل ولزج ومالى فراغات فالفتيس, زى مالفتيس بيستهلك الزيت القديم بيستهلك معاه وبيتأقلموا على بعض
فلما تغير الزيت القديم بزيت جديد, الفراغات مش بتبقى مليانه بالزيت الجديد وممكن صوت الفتيس يعلى وممكن كمان يهيس فالنقلات

اسباب حدوث هذه المشكله: عدم تغيير زيت الفتيس فالوقت المناسب
الحلول: تغير الفتيس

بعد ماشفت الفيديو دا, استرجعت تقارير وشكاوى كتير على هذا المنتدى ملخصها
"غيرت زيت فتيس والعربيه بقت زفت"
والغريبه ان المشكله دى فالمانيوا بردوا (زى النوبيرا)

**nissanmatef** · 27-01-2016 04:53 PM

طيب أقولكم أنا ماشي في أنهي اتجاه:
بدأت الأول بالحلول البسيطة غير المكلفة
- عملت ريستارت للكمبيوتر وأشك إنه عمل حاجة لكن العربية قعدت أسبوع معملتهاش
- بعد كده نضفت فلتر الهوا ولسه حغيره لظروف الجو
سألت عن الفتيس كامل ولقيته استيراد في الحرفيين في اكتر من مكان بحوالي 1500-1600
سألت في التوكيل عن حساس النقلات وقالوللي تقريبا 480 جنيه
ربنا ييسر وأحاول أحلها حل بسيط

**Mecha** · 28-01-2016 03:17 AM

بردك فلتر الفتيس الاساسي متغيرش

**nissanmatef** · 27-07-2016 03:15 PM

طيب أحب أشارككم النتيجة لتعبكم معاي
واحد صاحبي كان عنده فتيس قديم
أخدت منه حساسات من جسم الفتيس الخارجي ومشط
غيرتهم بالحساسات والمشط القديمة عندي والحمد لله العيب اتحل
والفتيس بفضل الله وبركته شغال كويس