مشكلة عدم نقل السرعة في الفتيس الاوتوماتيك أحيانا nissan sunny

**nissanmatef** · 17-01-2016 12:20 PM

السلام عليكم أهل المنتدى الكرام
عندي مشكلة تحتاج لخبرتكم السيارة نيسان صني 2005 ياباني اوتوماتيك 1600 سي سي.
ساعات (مرة كل يومين مثلا) وانا ماشي على ال D والسرعة تقريبا مثلا في حدود الاربعين الفتيس صوته يعلى وال rpm يرتفع والفتيس مش بينقل خالص وكانه على الاول او بالكتير التاني ده بيستمر بعض الوقت دقيقة مثلا وبعدين يختفي وكأن شيئا لم يكن..
أنا كنت غيرت الزيت بعد مدة كبيرة تقريبا مشيت عليه 100000 وكنت جايب العربية عند 50000 يعني العداد عامل 150000..
في ناس بتقولي دي مشكلة فتيس ولازم تغيره لانه ممكن يعملك كده في مرة والعربية تقف المهم تغيير الزيت من شهرين محلش الموضوع بل المعدل بتاع حدوث المشكلة دي زاد شوية صغيرين مؤخرا
المشكلة إني مش مقتنع إن الفتيس بايظ لأنه في الاوقات الطبيعية شغال كويس جدا ومفيش لمض منورة ولا حاجة.. نفسي حد يديني رأي مقنع ويلحقني من المشكلة دي الللى تكاليف المحاولة فيها غالي جدا؟؟
منتظر تعليقاتكم بفارغ الصبر

**akmm** · 17-01-2016 01:00 PM

غير زيت الفتيس مره اخرى .........................

**nissanmatef** · 17-01-2016 01:05 PM

مش فاهم ليه أغيره؟

**Mecha** · 17-01-2016 01:07 PM

لو غيرت زيت وفلتر ، تبا مشكلة فالف بودي

**nissanmatef** · 17-01-2016 01:09 PM

ممكن حضرتك تشرحلي يعني ايه فالف بودي وهل حاجة جوة الفتيس وصعب تغييره ولا لأ؟
انا غيرت زيت من غير فلتر ده هيفرق؟

**Mecha** · 17-01-2016 01:13 PM

يفرق الفلتر كتير لانه بيضعف ضغط الطرمبه وياخر الشفت. ولازم الكرتيره تتنضف من الرايش
الفالف بادي جوه الفتيس . وتغييره مش صعب لو لقيته جديد. ويتغير والفتيس مكانه

**samyyousef** · 17-01-2016 01:13 PM

اتابع معك

**nissanmatef** · 17-01-2016 01:20 PM

المشاركة الأصلية كتبت بواسطة mecha

يفرق الفلتر كتير لانه بيضعف ضغط الطرمبه وياخر الشفت. ولازم الكرتيره تتنضف من الرايش
الفالف بادي جوه الفتيس . وتغييره مش صعب لو لقيته جديد. ويتغير والفتيس مكانه

الفالف بودي هل هو الكنترول فالف؟
طيب حضرتك لو غيرت الفلتر هل أحافظ على الزيت وأحطه تاني؟
وفي معلومة مهمة إن الزيت الحمد لله مفيهوش رايش

**Mecha** · 17-01-2016 01:23 PM

المشاركة الأصلية كتبت بواسطة nissanmatef

الفالف بودي هل هو الكنترول فالف؟
طيب حضرتك لو غيرت الفلتر هل أحافظ على الزيت وأحطه تاني؟
وفي معلومة مهمة إن الزيت الحمد لله مفيهوش رايش

ايون هو الكنترول فلف
عرفت منين مفيش رايش ، نضفت المغنطيسات
ممكن تحط الزيت لكن مشكوك فيه لانه اتلوث من الفلتر القديم ، بيتغير ديما زي المتور فلتر وزيت جداد

**nissanmatef** · 17-01-2016 01:59 PM

المشاركة الأصلية كتبت بواسطة mecha

ايون هو الكنترول فلف
عرفت منين مفيش رايش ، نضفت المغنطيسات
ممكن تحط الزيت لكن مشكوك فيه لانه اتلوث من الفلتر القديم ، بيتغير ديما زي المتور فلتر وزيت جداد

لأ منضفتش المغنطيسات بمجرد النظر كده.. تمام .
طيب ممكن أعرف رأي حضرتك في حاجة اسمها حساس النقل واحد كان قالي ممكن تكون المشكلة منه؟
وهل أبدأ بتغيير الفالف ده ولا الزيت تاني مع الفلتر؟
وهل مشاكل الفالف ده بتكون حاجة بتحصل كل شوية ولا بتحصل بصورة دائمة؟..