الموضوع: استشارة بخصوص شراء بيجو 307 استيشن من وحوش البيجو

سلام عليكم
بالنسبة للميجان و ال307 فماتتعبش نفسك و تسأل على كل واحدة فيهم من حيث الفتيس او الاوبشن مثلا لأن الاتنين فتيس واحد و الاتنين مليانين اوبشن ما شاء الله و الاتنين قطع غيارهم اسعارها معقولة على حد علمي

انا هايبقى رأيي مجروح لأني راكب ميجان , لكن عزائي اني لما عملت نفس الدراسة لقيت الميجان مناسباني اكتر

متهيأ لي الفيصل هنا هايبقى اولا ارتياحك النفسي لركوبة دي او دي و بالتالي تركب دي و دي و تجرب الاتنين قبل ما تشتري , و طبعا اللي تلاقي فيهم حالة حلوة توكل على الله

ما السعر الغالي جدا ده لأنك مفترض ان الحالة الحلوة بسعر الكنبة :)
و الكنبة لما هاتجيبها هاتصرف عليها نفس الفرق اللي هايوصلها للسعر اللي معتبره غالي جدا , و يمكن اكتر

و اظن و الله اعلم ان نفس الكلام هتلاقيه منطبق على البيجو
اللي عنده عربية نضيفة مش هايرميها بالسهل , الا لو لقيت لقطة صاحبها عايز يبيعها بسرعة لسبب يخصه او مش عارف قيمتها