استفسار عن بيجو 309

**nour2007** · 15-12-2008 04:32 PM

يا عم نور العربيه عليها اقساط وده شقي سنين في السعوديه

**nour2007** · 15-12-2008 04:35 PM

المشكله ان الكاربيراتير شكله صغير اوي يعني ما ينفعشي اوسع فيه او اتحايل عليه علشان تمشي بال80

**memario** · 18-12-2008 09:21 AM

ياااااااااااااااه بيجو تمشى ببنزين 80
بصراحة نور معاه حق يا أستاذ عمرو
أنا حطيته مرة واحدة فى عربيتي محرك هوندا أكورد 82 1600 سى سى و لخبط لى كيان الكاربراتير وقررت إنى عمرى ما هاحطه تانى
المهم ألف شكر لكم كلكم على المعلومات المهمة دى وجزاكم الله خيرا

**nour2007** · 18-12-2008 09:57 AM

90 ماشي ما باليد حيله
ربنا يعوض علينا

والف مليون سلامه عليك يا استاذ هاني فلاينج

**nour2007** · 21-12-2008 10:28 AM

ممكن حد يدلني عن كبالن 309 بكم والاقيها فين ؟؟
الاستاذ هاني فلاينج كان قاالي انها هي كبالن 205
فياريت اعرف معلومات عنها لأني بسمع صوت طقطقه في الدورانات

**nour2007** · 31-12-2008 09:40 AM

الي الاستاذ هاني فلاينج والاخوه الاعزاء في المنتدي
انا عندي مشكله في العربيه وعايز استفسر عن مشكلتين :
-انا عندي المساعد الامامي اليمين في البيجو ال309 بيرشح زيت والشمال سليم ممكن اغير واحد بس وللا لازم اغير الاتنين واحب اعرف ايه افضل الانواع ومنين اشتريه وسعره كمان
-العربيه ساعات بتبطل مني وانا ماشي بكون ماشي علي 60 او 70 واكون داخل علي مطب اروح دايس دبرياج مع فرامل علشان اهدي علي المطب الاقيها تبطل واتكررت معايا اكتر من عشر مرات وفيه مره منهم مارديتش تدور اللا لما اتصلت بالميكانيكي وقالي دوس بنزين علي الاخر ودور وفعلا دارت وما اتكررتشي تاني مع اني شغال ببنزين 90

**nour2007** · 01-01-2009 09:06 AM

الو يا منتدي
يا استاذ نور يا عم هاني يا اخوتي في المنتدي مفيش حد بيرد علي تساؤلاتي ليه انتو زعلانين مني وللا ايه ؟؟؟؟؟؟

**Nour_Peugeot** · 02-01-2009 02:29 AM

اولا يا باشا يفضل تغير ال 2 مساعدين معا عشان يبقي في اتزان و كده

و حوار التبطيله دي روح للميكانيكي قوله عليلي العربيه شويه

بس كده

**nour2007** · 04-01-2009 09:04 AM

طيب ممكن اعرف اجيب المساعد ده منين وايه افضل الانواع وسعره كم تقريبا العفشجي قاللي انه هو هو مساعد ال405

04-01-2009 12:46 PM

عمرو باشا آسف على تأخر الرد وأسأل الله ان تكون فى تمام الصحة والعافية.

بالنسبة للمساعدين بلاش بتوع ال 405
الا إذا كان صاحب العربية الاولانى كان مركب
الاجناب بتاعة ال 405 .
لكن لعلمك هم مختلفين شكلا وموضوعا عن ال 309..

أطول من بتوع ال 309 فابالتالى بيركبوا بالسوست بتاعتهم
ودا هيعللى العربية اوى من الامام
بجانب وجوب تغيير وتعديل بطاحات المساعدين
والتعديل دا بيتقل الدريكسيون فال 309..

أى حاجة ممكن تركب فى اى حتة لكن لازم يكون فى درايه بالنتائج والعيوب والمميزات.
سيبك من الميكانيكى وركب جوز مساعدين بتوعها الاصليين أحسن من بتوع ال405
وهيعملو حوالى350 الى 400
او بتوع ال 205 gti بحوالى 300 ويركبوا لزق زى ما بيقولوا.

بالنسبة للتبطيلة لو مع دوسة الفرامل بالظبط يبقى تكشف على السيرفو والوصلة بتاعو
لو بتحصل اول ما تشيل رجلك من على البنزين يبقى بك السلانسية
لو بتحصل على الطوالى يبقى بك السرعة
ولو اول ماتبطل منك وتيجى تدورها تشم ريحة بنزين وتغيب فى الدوارة تبقى العربية بتشرق فى الطوالى ودا بيرجع لعوامة الكربراتير وعايزة يتكشف عليها.

وأخبار العربية فى السلانسية ايه ???
وبتقف على rpm كام ?
............
وانا انصحك تفك الكربراتير خالص ووديه لمتخصص ينضفو ويضبطو.

واى استفسار العبد لله فى خدمتكم

الموضوع: استفسار عن بيجو 309

LinkBack

أدوات الموضوع

عرض

-

-

-

-

المواضيع المتشابهه

استفسار عن بيجو 307

استفسار مهم عن بيجو 407

استفسار فى بيجو 405

استفسار عن بيجو 407

استفسار عن ال بيجو 308

الكلمات الدلالية لهذا الموضوع

المفضلات

المفضلات

ضوابط المشاركة