الموضوع: تركيب رينجات للجنوط ..

السلام عليكم

كنت عايز اعرف لو فيه حد يعرف مكان كويس اشترى منه او خراط يعملى رينجات للجنوط..وياريت لو حد يقولي تجربته وهل مفيده للجنوط ولا لأ

وشكرا

المشاركة الأصلية كتبت بواسطة sameh_fouad

انزل عند اى بتاع جنوط وهيجيبلك الرنجات وبتكون فايبر وزى الفل عمرها مابيجرالها حاجة بس تكون نظيفة
ولو عايز تعملهم معدن عند خراط خد واحد واعمل زية
موضوع مهمة هية بيتم تحديدها على حسب شكل الجنط فنسبة الجنوط الاسبور اللى بيكون الداير بتاع السرة كبير فلازم رينج عشان يملى المنطقة دية والجنط مايبقاش متحمل كامل على المسامير

شكرا لردك :)

نزلت الحرفين وعملتهم عن واحد اسمه صلاح غريب بتاع رنجات وخراطه وتعديل جنوط.. قالي انا محتاج اوسع الجنوط لان الفرق 3 ملي، قولتله انت ادرى،فكر تانى وقالي انا هركبلك بدل الالومنيوم حديد قولتله ماشى

الغريبه اني مش ملاحظ اي فرق يذكر بين قبل وبعد تركيب الرنجات! هل ده طبيعى؟ ولسه فيه هزه فى الدركسيون فى بعض الطرق