الموضوع: لكل مالكي قشقاي ١٢٠٠ cc

هو مش برده القشقاي 1200cc يعني تخضع للتخفيضات علي الأوروبي في الفئة اقل من 1300cc ولا إيه ؟؟

يعني المفروض تبقي في الفئة السعرية 150000 جنية

ياريت لو ممكن حد يتابع ان القاشقاي ينطبق عليها التخفيض الجمركي اللي هو 0%جمارك على الاقل من 1300cc لانها تصميم وتصنيع وتصدير انجلترا يعني المنشأ والتصنيع اوروبي...يفيدنا وربنا يبارك فيه

أيوه تخضع للاتفاقية و عليها 0% جمرك بس مفيش حاجة اسمها 150 الف. العربية تمنها فى رينج ال 20-27 الف يورو و اساسا اللى اتشال بس الجمرك ضريبة المبيعات و التنمية متشالتش و دول فوق ال 20% زى اوروبا

اللي ملاحظة فعلاً ان ثمن العربيات بدا يقل في السوق عندنا ،، بس التخفيض اللي بتقلة السيارات كلة من الاوفر بريس ،، لان في عربيات كتير من الموجودة في السوق بتتباع ازيد من تمنها الفعلي ،، بعني القشقاي سعرها نزل شوية بس لسة موصلش للسعر الرسمي بتعها ،، نفس الموضوع في التوسان الجديدة بتتباع برضة باوفر بريس ،، والتوسان برضة بتتصنع في التشيك ،، يعني مفروض تدخل في تعريفة الجمارك الجديدة ..
واللي عرفتة من ناس شغالة في الجمارك ان التعريفة الجديدة بدا تطبقها من يوم ٢٠ يناير ،، وقالي كمان ان تطبيق التعريفة الجديدة دة مش بالضروري انه يقلل من اسعار السيارات ،، لاننا في مصر بلد العجايب ....

المشاركة الأصلية كتبت بواسطة som3aa

السعر قشفاى استلام فورى من 234-238 الفئة التانية و 254-258 للفئة الثالثة
السعر الرسمى 235-255 من الوكيل استلام خلال اقل من 3 شهور
الاكتافيا اول فئة 215 . ثانى فئة 253 بس مش متاكد من تانى فئة

المشاركة الأصلية كتبت بواسطة amr213

هو مش برده القشقاي 1200cc يعني تخضع للتخفيضات علي الأوروبي في الفئة اقل من 1300cc ولا إيه ؟؟

يعني المفروض تبقي في الفئة السعرية 150000 جنية

المشاركة الأصلية كتبت بواسطة mankindforce

لو اروبي يسري عليها التخفيض الجديد.
هي بتتجمع في إنجلترا، بس مش عارف داخله الجات ولا لأ

افضل سعر وصلتلة الي الان في القشقاي الهاي لاين كاملة كل حاجه مضاف اليها dvd الاندرويد والاكاميرا والسينسور هو ٢٥٠ الف ،،
وكنت ناوي اشتري بس قلت استني شوية والله المستعان

المشاركة الأصلية كتبت بواسطة magdynow

افضل سعر وصلتلة الي الان في القشقاي الهاي لاين كاملة كل حاجه مضاف اليها dvd الاندرويد والاكاميرا والسينسور هو ٢٥٠ الف ،،
وكنت ناوي اشتري بس قلت استني شوية والله المستعان

ممكن تقولى المعرض فين علشان انا بفكر اشترى الأسبوع؟

هل تتوقع نزول السعر مع الدفعة الجديدة .. حاسس ان المعارض بتحاول تخلص مخزونها

المشاركة الأصلية كتبت بواسطة magdynow

افضل سعر وصلتلة الي الان في القشقاي الهاي لاين كاملة كل حاجه مضاف اليها dvd الاندرويد والاكاميرا والسينسور هو ٢٥٠ الف ،،
وكنت ناوي اشتري بس قلت استني شوية والله المستعان

المقصود بهاى لاين اللى ب جنط 19 و لا 17؟
اصل لو الفئة الثالثة دى تمنها الرسمى 255 مش معقول بالاضافات تتباع ب 250 .
الفكرة انا متخوف كمان شهر و نصف فى معرض اوتوماك تنزل كماليات زيادة بس فى نفس الوقت تخاف الاسعار تزيد تانى خصوصا ان الوكيل فتح الحجز دلوقتى . سوق غريب جدا محدش عارف يتوقع فيه اى حاجة.
السنة دى هيحاولوا يققلوا الاستيراد و طبيعى الدولار ممكن يزيد فى المقابل لو البنك المركزى فعلا قلل قروض السيارات هيبقى قى ركود و الاسعار تقل.
انا حاسس حاليا ان فى بداية حرق اسعار و ركود لما 3 عربيات من اكتر العربيات عليهم طلب فى فئتهم ينزلوا (لانسر 10 الاف - قشقاى 20 الف - اوكتافيا اول فئة بتاع 10) يبقى اكيد كورولا و لا مازدا و لا الرينيجيد اللى فتيسها مشكلة لوحده و لا كريتا الهندى اللى متفهمش الناس مخها ازاى اقنعها انها تشتريها هيبيعوا ازاى؟ اكيد لازم يحصل حرق اسعار يا اما اسبوعين و تلاقى القشقاى زادت تانى.
بصراحة مش عارف اخمن ايه الاحسن الانتظار و لا الشراء دلوقتى بس اللى انا شايفه الانتظار احسن.

التوسان عليها 10 الاف اوفر لان التسليم بعد اقل من شهرين و اللى عايزها يحجزها احسنله و اساسا سعرها مبالغ فيه جدا جدااا لان القشقاى اغلى منها بره او بنفس التمن و الجمرك عليها قليل جدا لانها منشا اوروبى . فى استهبال فى تمنها هى و الكريتا و انا اتوقع سعرهم ينزل جامد زى القشقاى. بعدين توسان ايه اللى ب 307 الف جنيه دى الاودى الq3 ب 350 و ال x1 نفس التمن و اللى ب255 دى فاضية خالص
انا حاسس ان الوكلاء كانوا عاملين لعبة بتخزين العربيات و عدم استيراد دفعات جديدة علشان يخلصوا من المخزون اللى عندهم و رفعوا الاسعار بشكل جنونى علشان يخلوا الناس تمسك فى اى تخفيض و تشترى . اصل مش معقول عربية زى الكوجا عليها حجز و اوفر و هو بيبيع موديل 2015 و الرينيجيد حجز سنة قدام و لو كان كدا فعلا يبقى هنشوف حرق اشعار اليومين دول .