السلام عليكم ياجماعة الخير انا ضيف جديد معاكم واتمنى حد يساعدني لاني في حيرة واتقفلت من العربية
معايا كرايسلر نيون 98 المارش قطع فيها خالص وباظ من جوه كان متفرتك حتت لان المارش لف مع الموتور ومفصلش
المهم ربنا كرمني وعرفت اجيب مارش استيراد كويس وركب واشتغل والدنيا تمام
المارش القديم اما باظ عمل قفله سيح معاه سلوك ضفيرة الموتور وحرق ساعة الفتيس
عملت مرمة لضفيرة الموتور والحمدلله
وساعة الفتيس مشكلتها الوحيده ان العربيه بتدور على اي غيار مش على الباركينج والان فقط بس مش دي المشكله
المشكله اللي ظهرت معايا اما بمشي بالعربية وبطلع من غيار للي بعده العربية بتنتع كده وبتغيب عبال ما تنقل وتدي نتشه ... الاغرب ان اما اجي ادوس فرامل وانزل من نقلة للي تحتها العربية تقعد تترج معايا وتدبدب
** للعلم في حالة الكيك داون النقلات بتنقل بسرعة عادي بدون نتشة ومبحسش بيها لكن اما بجمع النقلات بالراحة بتعمل كده + اما بريح الفرامل بالراحة جدا مبتحصلش رجرجة لكن اما بدوس فرامل تقيلة شويه بترجرج وتدبدب ...
الميكانيكي قالي البادي فالف سليم وقربة الفتيس عايزه تتغير هل الكلام ده حقيقي وتكلف كام ؟؟
وفي نفس الوقت بسبب الفتيس برضه بعد ما بيغير للنقلة التالتة صوت الموتور بيهدى وبيدي صوت كأنه هوا مش مستقر كده وعزم وسحب العربية بيقل جدا عند النقلة التالتة لمدة 3 دقايق وبعد كده العزم يبقى كويس وبرضه الميكانيكي قالي دي من الفتيس مش من الموتور
** للعلم في حالة الكيك داون النقلات بتنقل بسرعة عادي بدون نتشة لكن اما بجمع النقلات بالراحة بتعمل كده + اما بريح الفرامل بالراحة جدا مبتحصلش رجرجة لكن اما بدوس فرامل تقيلة شويه بترجرج وتدبدب ...

انا معرفش ليه حاسس انها مشكلة كهربا لان اما بكبس بنزين مرة واحدة مبيحصلش الكلام ده
شوروا عليا اعمل ايه ياجماعة الخير وربنا يباركلكم