الموضوع: الرجاء المساعده فتيس اوتوماتيك

معايا صنى موديل 2003 ومره واحده بدون اى مقدمات لقيت السياره ماشيه على نقله واحده بس وهى الثالث
الفتيس اوتوماتيك يعن لا بتجيب اول ولا ثانى ولا رابع تالت بس
وعلامة at chek بتنور على التابلوه
كشفت اعطال كمبيوتر عند كهربائى عندنا فى بورسعيد ظهرت على الشاشه :shift slonied valve b
فكيت عقل الفتيس وعملنا اختبارات لمجموعة shift slonied valve لقيناهم شغالين
اتصلت بواحد معرفه شغال فى التوكيل قال ان العيب جوه الفتيس ومحتاج لصيانه هتكلف 1700 جنيه وطبعا ده فى الورشه بتاعته بره التوكيل
ثمن الفتيس عندنا فى بورسعيد 2500 جنيه
انا مش عارف اعمل ايه يا ريت لو حد حصلت معاه حاجه مقاربه يرشدنى ايه الحل
مع العلم انى مش مقتنع بكلام الراجل بتاع التوكيل
لو فى ميكانيكى متخصص فى فتيس النيسان ياريت تقولولى على عنوانه ورقمه
ولكم جزيل الشكر

ياريت تقولي رقم العيب ايه بالظبط
و كشفت عند مين بالظبط عشان مش كل اللي عندنا في بورسعيد بيفهموا

وعرفت منين انها ماشيه علي الثالث علي طول اصلا يا ريت تقول الحالة بالظبط

شكرا و يارب نقدر نقدم المعونة