على فكرة يا محمد الفوانيس هالوجين وده مكتوب على موقع العربية
http://www.brilliance-eg.com/FRV_Tec...quipments.html
وبخصوص فرش العربية لى صديق فى الدقى عنده ورشة ميكانيكا سألتو فى الفرش
قلى سبيركار ممكن يفصلولك الفرش اللى انت عايزو حتى لو زى اللى فى العربية
بس قلى فى فرش جاهز بيتباع وبيركب على العربية وفى موديلات كتير وبصراحة
نصحنى بالجلد علشان ممكن يتغسل عكس القماش بيبقع ودى وجهه نظر وقلى ممكن
الفرش يعمل فى حدود 250 جنيه مش غالى يعنى (الجاهز), ولو محتاج أى حاجه ممكن أسألهولك .
بخصوص الإنذار العربية طبعا مفيهاش ومفيهاش وحدة رفع زجاج يا ترى حتركب
انذار وأكيد لو حتركب حتركبه فى التوكيل علشان الضمان مظبوط ولا ايه .
ورخصت ولا لسه ولو رخصت كلفتك كام اجمالى شامل الطفاية.
واضح من كلامك ما شاء الله استهلاكها للبزين كويس جدا ربنا يباركلك.
انت قلت انك كنت عاوز تركب السمعتين اللى فى الخلف هما ليهم مكان بس مش متركبين
بيتهيألى أى شغل كهربا لازم التوكيل كلامى صح.
ومعلش على الإطالة ربنا يخليهالك.
المفضلات