الموضوع: للي استلم أوهيستلم او ناوي يستلم Brilliance FRV*المهاجمون للسياره بسبب السعريمتنعون*

شكرا ليكوا يا جماعه انا جربت العربيه على الطريق الدائرى و كل اللى اقدر اقوله ان اللى ما حجزش العربيه خسر كتير و اللى سحب المقدم خسر برضه لان كان زمانه بيستلم بصراحه حرام على الناس اللى كانت بتفتى و بتقول مش حلوه و الله العربيه حلوه بسم الله ماشاء الله انا خايف و الله احسدها ثبات هايل انا جبت بيها 160 و كنت ممكن اجيب اكتر بس هما قالولى ما تجبش بيها اكتر من 160 فى الاول و بالنسبه للعفشه كويسه فى المطبات ما بتسمعش اصوات و لا بتتهبد من الاخر كانك راكب حاجه المانى سحبها ممتاز نابلوه فوق الرائع و الرجه اللى فى الفتيس دى عاديه انا واحد صاحبى عنده سبات قرطبه قاللى عنده نفس الموضوع و قاللى ده معناه ان الغبارات داخله فى مكانها و سيات دى المانى للى ميعرفش و قالى الصوت اللى تحت ده ده صوت الفرامل بتمسك ورا وده حاجه كويسه برضه و الله يا جماعه العربيه تحفه و تستاهل و اللى متردد يتكل على الله لانه هيندم بعدين لانى متوقع انها تغلى اكتر بعد ما تنتشر فى السوق و ياريت يا عيسى تقوللى لو فى نمره للتوكيل اللى فى القطاميه و انا ما ينفعش اروح اللى فى روكسى و انت رحت ليه هناك و لو شايف عيوب فيها ياريت تقول و نتناقش
على فكره انا عندى اسبرانزا 1600 سى سى و مش الاتنين صينى بس دى تتفوق عليها بمراحل كفايا الثبات و العفشه انا لما بركب الاسبرانزا بخاف من اى مطب بس ده مش معناها انها وحشه
انا اسف طولت عليكو بس انا كنت عاوز اطمنكو هتستلموا عربيه زى الفل و الله و كنت عاوز ارد على كل اللى بيهاجم العربيه و خلاص لمجرد ان سعرها غلى و حسبى الله و نعم الوكيل فيهم و ياريت يسيبوا الناس اللى جربتها هما اللى يحكموا
انا بجد طول اوى خلاص كفايه و اى اسئله انا فى الخدمه

هي سعرها كام دلوقتي ياجماعة لو سمحتوا