لمبة الباب منوره والباب مقفول ايه الحل ؟؟؟؟؟

**polonez** · 28-01-2016 03:15 AM

السلام عليكم يشباب عتدي مشكله غريبه كده العربيه بونتو كلاسيك عندي الباب اليمين لما بقفلو بيظهر في التابلوه انو متقفلش بفتحو واقفلو تاني تتظبط وشويه ويرجع تاني المشكله بقا ان لما بقفل السنتر الببان مش بتقفل ده في حالة وانا مشغل العربيه لو العربيه مش شغاله بيقفل عادي بس لمبة الصالون بتفضل منوره فبعرف انو معلق بس الي مطمني شويه ان السنتر مش بيفتح حد يعرف المشكله احلها ازاي ؟

**Mecha** · 28-01-2016 03:29 AM

شوف السويتش اللي في داير الباب

**polonez** · 28-01-2016 03:35 AM

ده بيبقا قين ده معلش ؟؟

**kamal12** · 28-01-2016 08:07 PM

إفتح الباب و بص على السويتش فى منتصف القائم تقريبا و إضغط عليه بإصبعك و شوف بيختفى الإنذار على التابلوه و إرفع إصبعك يظهر الإنذار من تانى,,, و يبقى كده السويتش سليم و ممكن يكون الباب مش مظبوط (مفارق)

**polonez** · 29-01-2016 02:59 AM

هوه اظن ان مفيش سويتشر في الباب اليمين او في البيبان كلها معادا باب السواق عشان لما بفتح باب السواق بلاقي الاشرات بتشتغل عشان فاتح بس لما بفتح البيبان التانيه مفيش اشارات بتشتغل واظن ان هوه ده السويتشر الي بتتكلمو عنو

وموضوع انو مفارق ده معرفش بس العربيه عمرها متخبطط في الباب ده ولا في اي جنب ده فجأه عمل كده اول امبارح ساعت لما كان فيه مطره جامده