المشاركة الأصلية كتبت بواسطة anxs111
كدة الكلام فيه أجزاء صح وأجزاء غلط
عدم وجود مبدأ الرفاهية هو سبب فشل بعض الموديلات فعلا زي إل a وال- b-كلاس
هو حقيقة مش عدم الرفاهيه ، هو أكتر يعتبر الإسترخاص في الكواليتي ودة منفعش مع عملاء متعودين علي ستاندرد معين . لأن لما مرسيدس عملت كدة هي لا فضلت في مستوي النجمة ولا في ميزة السعر لعربيات تانية زي جولف مثلا اللي حتي هذه اللحظة هي ملكة فئة الهاتشباك .
في عربيات كتير فخمة ومفيهاش استرخاص وفشلت بسبب التصميم الكئيب والأداء السيء ، زي إل glk دي مش عربية رخيصة أبدا بس تصميم البوكس شيب فشل فشل ذريع وأدائها علي الطريق لا يقارن بل x3 ولا q5 اللي برغم من عدم حبي ليها ألا أنها أكتر حاجة بايعة فيهم (q5 ) في الفئة دي .
عموما مرسيدس في السيدان ناجحة جدا لكن في فئة إل suv تعبانة جدا ودة عن تجربة (glk وبرضه ml ) ودول في رأي عربيات تعبانة خصوصا عند مقارنة ml مثلا بعربيات زي x5 و- q7 هتلاقي الفروقات كبيرة في كل حاجة .
فعلا معاك في نقطة إن مرسيدس لما نزلوا بفئات كتير دة مكانش في مصلحتهم .
في بقه عربيات حضرتك ذكرتها علي أنها مش في جودت الألماني المعتادة, بلعكس العربيات دي راقية جدا وأداها حلو جدا ، هي ممكن تكون مش بياعة في بلاد معينة عشان لسة متعودوش عليها فقط لا غير زي a1 . X1 ، أنا معرفش إن في q1 فمقدرشي أحكم عليها .
العربيه اللي تعبانه في رأيي ومستواها مش إد كده هي إل bmw 2 series touring ، دي نفس سياسة مرسيدس في إل b-كلاس وعيب إن الألمان يعملوا عربيات كدة أصلا
الألمان ملوك العربيات بلا جدال ، ممكن تلاقي ماركات تانية ليها موديل أو اتنين حلوين لكن أنا بتكلم عن سياسة تصنيع وثقافة معينه موجوده في كل العربيات اللي طالعة من بلد مش هتلاقي زي الألمان أبدا ...