مصرع محمد الرواس فى حادث تصادم

**borio1704** · 29-01-2016 02:55 PM

المشاركة الأصلية كتبت بواسطة anxs111

يا باشا كل الإحتمالات واردة ، أنا مش متخصص تحليلات بس علي حسب معلوماتي إن العربيات الحديثة جزء من تصميمها هو عدم الإنفجار عن طريق فصل البنزين عن الموتور وحاجات من هذا القبيل .... فلو الإنفجار دة قضاء وقدر يبقي الشركات دي بتنصب علينا بأفلام التكنولوجيا بتاعتها .... أنت واخد بالك العربيه بتاعت بول واكر انفجرت بسبب إرتطام في شجرة وبعدين عمود وبعدين شجرة تاني وتقرير البوليس قال إن السرعة كانت في حدود ١٥٠ كيلو في الساعة مع العلم إن دي عربية رياضية يعني عوامل الأمان فيها بتكون أقل لأن التركيز بيبقي أنهم يعملوها خفيفة إلي حدا ما

وفي قضية أصلا مرفوعة من عيلتة علي بورش

فما بال حضرتك بعربية إس كلاس .....

وبعدين أصلا عربية الأميرة ديانا لبست في عمود خرسانة بتاع نفق علي سرعة ٢٠٠ وما أنفجرتش ولو كانوا لابسين حزام الأمان ما كانوش ماتوا وعربية قديمة موديل ٩٧

فبعد دة كله ييجي تقرير يقولي شبورة علي الكورنيش ليه هو علي الكورنيش مفيش عواميد نور وقام السرعة اللي تقدر تجيبها في طريق زي دة

كل العربيات في الدنيا عدوها الأول هو النار.. ومجرد ما النار ولعت مفيش حاجة تقدر تقلل الخساير إلا لو لحقتها في أولها خالص.

بالنسبة لحادثة بول ووكر... فالبورش طبيعي جدا تولع بالكامل ومايتبقاش منها حاجة لإنها معمولة بالكامل من ألياف الكربون.. زيها زي الفيراري واللامبورجيني وكل السيارات السوبر رياضية..

عارف يعني إيه ألياف الكربون؟؟؟

يعني فحم... آه .. العربية معمولة من الفحم.. شوف انت بقى لما الفحم يولع إيه اللي بيحصل.

...

**Mohamed Desoky** · 29-01-2016 04:28 PM

المشاركة الأصلية كتبت بواسطة Anxs111

مش واخدين بالنا حضرتك عايز تقولنا إيه بالآيه

بسم الله الرحمن الرحيم انا والله فاهم معنى الاية كويس جدا لانى مسلم والحمد لله وياريت حضرتك تسئل حد متدين وقارن بين موت الرواس ملك الميتسوبيشى فى مصر وهو جوعربية من اقوى السيارات فى العالم s500 سيارة رؤساء العالم جوة عربية مصفحة وادركة الموت دة معنى الاية اينما تكونو يدرككم الموت كان فى عربية بيكانتو صغيرة فى شارع البحر الاعظم حضنة شجرة والموتور داخل الكابينة ومع كدة ماولعتشى يا ناس قدرة الله فوق اى شىئ دى اقدار وكل نفس بما كسبت ايديها ادعوالله اللهم انى اسالك عيشة هنيه وميتة سوية ومردا غير مخزى ولا فاضح ياارحم الراحمين

**borio1704** · 29-01-2016 11:05 PM

المشاركة الأصلية كتبت بواسطة Anxs111

أي حاجة في الدنيا عدوها الأول هو النار مش بس العربيات علي فكرة

مينفعش تشبه الياف الكاربون بالفحم عشان الأتنين من الكاربون ، كلامك دة محسسني إن لو عربية كاربون فايبر جبت جنبها كبريت ممكن تولع زي الفحم ، طبعا كلام مش مزبوط ومش هو دة السبب

ألياف الكاربون في منها درجات مختلفة حسب الإستخدام وبيعملوا منها الصواريخ والمكوك الفضائي اللي بيتعرض لظروف إحتكاك ودرجات حرارة عالية جدا وحتي حوالين الشكمانات ومش بتولع زي الفحم

تكلفة تصنيع العربية من الفايبر غاليا جدا جدا وعشان كدة مبيستخدمش غير في السوبر كارز ودة لأنه بمواصفات خاصة ، إذا فقصة إن العربية من ألياف الكاربون أو من الحديد الصلب ملوش دعوة بأن العربية تولع بسرعة من عدمه ، سبب إن العربية تولع هو البنزين والموتور وأي شرارة كهرباء وبعد كدة لأن العربية كلها من مواد صناعية وهتولع في ثواني حتي لو كانت عربية رمسيس اللي مفهاش ريحة الكاربون فايبر .

عربيات بول واكر ولعت بسبب إن تنك البنزين أتكسر من قوة الصدمة فحصل تسرب ونزل علي الموتور وانفجرت العربية والقضية المرفوعة علي بورش بسبب عوامل الأمان ومحدش جاب سيرة العربية مصنوعة من إيه في الموضوع من أساسه

في قواضي كتير في المواضيع دي وغالبا بعض العربيات فيها عيوب صناعة هي اللي بتسبب الحريق

تصنيع الفايبر كربون غالي ﻹنه ما زال تكنولوجيا جديدة وشركات قليلة هي اللي محتكراه.

عموما أنا بعتبر وجود الفايبر كربون عامل مساعد في زيادة اللهب.. وكل العربيات المصنوعة من الفايبر كربون بتختفي تماما وتبقى شوية رماد بعد الحريق.. يعني مفيش أي هيكل بيفضل

نظرة بسيطة في شوية الصور دي هتعرف قصدي..

...

**akmm** · 31-01-2016 10:17 AM

الله يرحمه ويرحم من كان معه ................. ولكن فعلا الحادث غريب جدا .

**M.Elwan** · 31-01-2016 07:00 PM

العربية s400 hybrid وده معناه ان فيها موتور بنزين عادى 6 سلندر 3500 سى سى 306 حصان وموتور تاني كهرباء بيشتغل ببطاريات
وكانو كاتبين ان البطاريات بتاعة الموتور الكهرباء هي اللي اتحرقت وبسبب وجوده في الجانب الايمن في النصف الامامى من السيارة ادت لاحتراق الصالون وللتأكيد اكتر حتلاقي الجانب اليمين محترق بالكامل علي عكس الجانب الشمال وده لان مكان تواجد البطاريات هو الجانب اليمين

image hosting

وده تقرير علي الدايلى ميل عن حوادث حريق السيارات الهايبرد
After an accident, hybrid cars can be extremely dangerous to rescue workers because of increased battery size combined with electricity

Read more: First responders 'at risk of electrocution from hybrid and electric cars after serious accidents' | Daily Mail Online
Follow us: @MailOnline on Twitter | DailyMail on Facebook
First responders 'at risk of electrocution from hybrid and electric cars after serious accidents' | Daily Mail Online

وده تقرير تانى عن الطاريات الليثيوم ايون وانها ممكن تتسبب في اشتعال من حوادث اصطدام عادية
وعشان كده شركة تسلا عاملة تأمين شامل للعربيات فى حالة الحريق الناتج عن البطاريات

Are Electric Vehicles a Fire Hazard? | MIT Technology Review

وده تقرير عن حادثة لهايبرد برده والعربية اتحرقت فى ثواني بعد حادثة اصطدام بسبب البطاريات

Are Hybrid Cars Prone to Fire? | NBC Chicago

**عبدالله برعى** · 01-02-2016 06:40 AM

المشاركة الأصلية كتبت بواسطة m.elwan

العربية s400 hybrid وده معناه ان فيها موتور بنزين عادى 6 سلندر 3500 سى سى 306 حصان وموتور تاني كهرباء بيشتغل ببطاريات
وكانو كاتبين ان البطاريات بتاعة الموتور الكهرباء هي اللي اتحرقت وبسبب وجوده في الجانب الايمن في النصف الامامى من السيارة ادت لاحتراق الصالون وللتأكيد اكتر حتلاقي الجانب اليمين محترق بالكامل علي عكس الجانب الشمال وده لان مكان تواجد البطاريات هو الجانب اليمين

image hosting

وده تقرير علي الدايلى ميل عن حوادث حريق السيارات الهايبرد
after an accident, hybrid cars can be extremely dangerous to rescue workers because of increased battery size combined with electricity

read more: first responders 'at risk of electrocution from hybrid and electric cars after serious accidents' | daily mail online
follow us: @mailonline on twitter | dailymail on facebook
first responders 'at risk of electrocution from hybrid and electric cars after serious accidents' | daily mail online

وده تقرير تانى عن الطاريات الليثيوم ايون وانها ممكن تتسبب في اشتعال من حوادث اصطدام عادية
وعشان كده شركة تسلا عاملة تأمين شامل للعربيات فى حالة الحريق الناتج عن البطاريات

are electric vehicles a fire hazard? | mit technology review

وده تقرير عن حادثة لهايبرد برده والعربية اتحرقت فى ثواني بعد حادثة اصطدام بسبب البطاريات

are hybrid cars prone to fire? | nbc chicago

احييك علي الشرح الوافي والعلمي ارفعلك القبعه وننتظر منك المزيد في الاقسام الاخري

**Anxs111** · 03-02-2016 05:14 AM

المشاركة الأصلية كتبت بواسطة m.elwan

العربية s400 hybrid وده معناه ان فيها موتور بنزين عادى 6 سلندر 3500 سى سى 306 حصان وموتور تاني كهرباء بيشتغل ببطاريات
وكانو كاتبين ان البطاريات بتاعة الموتور الكهرباء هي اللي اتحرقت وبسبب وجوده في الجانب الايمن في النصف الامامى من السيارة ادت لاحتراق الصالون وللتأكيد اكتر حتلاقي الجانب اليمين محترق بالكامل علي عكس الجانب الشمال وده لان مكان تواجد البطاريات هو الجانب اليمين

image hosting

وده تقرير علي الدايلى ميل عن حوادث حريق السيارات الهايبرد
after an accident, hybrid cars can be extremely dangerous to rescue workers because of increased battery size combined with electricity

read more: first responders 'at risk of electrocution from hybrid and electric cars after serious accidents' | daily mail online
follow us: @mailonline on twitter | dailymail on facebook
first responders 'at risk of electrocution from hybrid and electric cars after serious accidents' | daily mail online

وده تقرير تانى عن الطاريات الليثيوم ايون وانها ممكن تتسبب في اشتعال من حوادث اصطدام عادية
وعشان كده شركة تسلا عاملة تأمين شامل للعربيات فى حالة الحريق الناتج عن البطاريات

are electric vehicles a fire hazard? | mit technology review

وده تقرير عن حادثة لهايبرد برده والعربية اتحرقت فى ثواني بعد حادثة اصطدام بسبب البطاريات

are hybrid cars prone to fire? | nbc chicago

ألف شكر علي المعلومات القيمة

**Anxs111** · 03-02-2016 05:24 AM

المشاركة الأصلية كتبت بواسطة mohamed desoky

بسم الله الرحمن الرحيم انا والله فاهم معنى الاية كويس جدا لانى مسلم والحمد لله وياريت حضرتك تسئل حد متدين وقارن بين موت الرواس ملك الميتسوبيشى فى مصر وهو جوعربية من اقوى السيارات فى العالم s500 سيارة رؤساء العالم جوة عربية مصفحة وادركة الموت دة معنى الاية اينما تكونو يدرككم الموت كان فى عربية بيكانتو صغيرة فى شارع البحر الاعظم حضنة شجرة والموتور داخل الكابينة ومع كدة ماولعتشى يا ناس قدرة الله فوق اى شىئ دى اقدار وكل نفس بما كسبت ايديها ادعوالله اللهم انى اسالك عيشة هنيه وميتة سوية ومردا غير مخزى ولا فاضح ياارحم الراحمين

مين قالك أني شككت في إسلامك ومين قالك أني مش متدين ومين قالك أني مش فاهم الآية ... أنا سئلتك أنت عايز تقول لينا إيه بالأيه .... يعني إيه المعلومة أو الرسالة أو غرضك من أنك حاطت الأية في الحوار ...
عموما متشكرين لتوضيحك ...
بس بأه يا معلم ، إيه رأيك لو بتاع البيكانتو لبس في شجرة ومات فجه واحد راح قايل الأية نفسها وأستشهد بأن في واحد راكب توكتوك دخل في أتوبيس وش في وش ومماتش
فاهم قصدي إيه ... قصدي إن الراجل لما يشتري عربية غالية من حر ماله واشتراها بمواصفات أمان عالية جدا فده مش معناه إنه مقتنع إنه بعيد عن الموت لأنه مفيش أي دليل إنه هو قال كدة ولا أي حد في البوست دة إعترض علي اراده ربنا سبحانه وتعالي القادر علي كل شئ ولا إنه سبحانه وتعالي هو اللي ساترنا جميعا من رحمته بالناس (أيا كانت ديانتهم أو حتي لو معندهمش دين علي فكرة )

فنظريت البيكانتو بتاعت حضرتك دي ملهاش أي علاقة بالليلة دي غير في دماغك أنت وبس
الحمد لله الذي هدانا وما اهتدينا إلا بفضله