الموضوع: اشتري اعلي فئة جنط ١٧ ولا اتنازل عن كماليات عشان جنط ١٦

المشاركة الأصلية كتبت بواسطة Omar Sarray

اخويه العزيز اى مطب عالى لازم تاخد عجله وعجله حتى لو مرسيدس قديمه او جديده حتى انت راكب سيدان مش راكب عربيه جيب او مينى جيب اعلا ارتفاع عربيات سيدان هيا 15 سنتى بعده كده يبتدى ارتفاع العربيات العاليه

المشاركة الأصلية كتبت بواسطة Omar Sarray

وعامه العربيه مش بتحك زى القديمه خالص يعنى وحكايه العربيه سيراتو الاشاع هالجميله فيها بلالين طب عربيتى عامله 20 الف كيلو مشفتش البلالين دى خالص فى جنط 17 شكل 2016 يعنى مش عارف احنا نحب كتره الاشاعت ونخليها وخلاص حتى لو مصور فيها بلالين اساله انت عملت ايه او مخدش بالك من ايه ويجاوبك غير كده معتقدش عربيه تعمل لوحدها بلالين الا بقى عيب صناعه بقى

بشكرك جدا يا أستاذ عمر على المتابعه والرد

http://www.kia.co.za/vehicles/new-cerato#specs

وأنا خلاص اتفقت عليها وهاستلمها قريبا إن شاء الله تعالى وربنا يباكلي فيها ويكفيني شرها ويعطيني خيرها ويبعد عني العين لأن العربية دي جميله وملفتة للإنتباه.

على فكره موضوع البلالين ده ممكن عشان الطرق عندنا سيئه جدا لكن مش الكاوتش اللي معيوب، وكاوتش نكسين اللي بينزل في السيراتو ده من الماركات الكورية المتميزه بالمتانه وناعم في المطبات مش بيدب، وأنا أصلا ماسمعتش عن حكاية البلالين دي أصلا قبل كده.

وربنا يباركلك في سيارتك ويكفيك شرها، وأنا إن شاء الله لو حكت معايا هاعليها من ورا بكاوتشات 1 سم أو 2 سم على الأكثر هاتظبط إن شاء الله.

أنا كنت بسأل على شيء هل عندك نصيحة في الاستلام ؟؟
وكم يكون ترخيصها 3 سنين مع شراء طفايه، والتأمين الإجباري بالمرور وكده ؟؟

أستاذ عمر، حضرتك في احد مشاركاتك على كيا سيراتو أيضا، كنت بتقول إن السيراتو وكيل بتكون مصفحة من تحت الموتور، هل ده فعلا ؟؟

وهل تصفيح كلي أم جزئي؟؟ عشان أنا لما اتفرجت ما أخدتش بالي إن فيها تصفيح أصلا رغم إنها وكيل ومن موزع معتمد.

المشاركة الأصلية كتبت بواسطة megaarts

سؤال يا بشمهندس محمد من فضلك هي الفئه الي بتتكلم عليها الي بجنط 17 دي انهي فئه وسعرها كام وهل فيها ليدات امامي وخلفي؟

لا أنا هاجيب تاني فئة وكيل اللي أوصافها في البورشور على الموقع الرسمي.

وأنا عن نفسي مش حابب جنط 17 شكلا وكمان هايكون ناشف شويه دي حاجه أكيده بالنسبالي.

المشكلة اني من الصبح بقرأ في تعليقات على العفشة، والكلام محير صراحة، أنا حاسس إن أ/عمر الوحيد اللي بيأكد إنها مابتحكش مع الحمولة، مش عارف صراحة.

أنا خلاص اتفقت بس خايف اركب والاقي المساوئ صحيحة لأني سيبت شارك هاي لاين وكيل واختارت دي.

وكله قالي هات ياباني ومش عارف إيه، فأرجو إني أكون اخترت صح، يارب لأن المبلغ كبير 176 بعد خصم 4 من الموزع المعتمد.

أنا عارف إن كيا بالأخص جيده جدا في الجوده والمتانه والتقفيل، بس الكوري برده من ناحية القوة والميكنه المعمره والكهربا أقل طبعا من الياباني، ده في حدود تجربتي، لسه ماجربتش سيراتو اللي واكله دماغ الناس دي، نشوف فلوسها هاتكون حلال فيها ولا هالبس.

المشاركة الأصلية كتبت بواسطة megaarts

الف مبروك مقدما يا باشا ربنا يباركلك فيها ويكفيك شرها
هي عربيه ممتازه ومع 2 صحابي وبيشكرو فيها جدا و بتمسك سعر في اعاده البيع بالرغم من ان سعرها مبالغ فيه نسبيا
بس عموما اختيار موفق باذن الله

جزاك الله خيرا