حد عنده حل للمعناة دى . مرض مزمن

**3abdo.it** · 08-02-2016 04:06 PM

ضهرى وراسى من ورا والخدين .. التلات مناطق دول بقلهم اكتر من 17 سنة الحبوب الصغيرة البيضة المحتوية على صديد مبتفرقش الاماكن دى ابدا... استخدمت كل المضادات الحيوية لحد ما المعدة اتهرت

لحد من اربع سنين فاتو بدات اخد علاج مشهور وقوى جدا اسمة نت لوك نادر محد يستخدم الكورس بتاعة والحبوب ترجعلة تانى ... رجعتلى تانى بعد مخلصت الكورس بسنة ونص بالظبط وبعد مكان المرض انتهى تماما... خت الكورس تانى .. رجعلى بعدها بكام شهر ... ختة تالت وكالعادة بعدها بفترة الحبوب ترجع تانى..

المشكلة كالاتى .. الكورس مكلف جداااا الشريط تقريبا ب 120 جنية وفى الكورس بستخدم عدد كبير من الشرايط
دا اولا

ثانيا .. حاسس ان كل ما بخدة والحبوب تروح لما بتيجى ترجع بترجع اشرس من الاول

ثالثا .. جالى ارتجاع فى المرئ والتهاب فى المعدة بتعالج منهم فى الفترة الى فاتت وكان احد الدكاترة كان رشح بدون تاكيد ان العلاج دا ممكن يكون السبب وممكن يكون لاء

ماذا تفعل لو كنت مكانى ... انا 28 سنة دلوقتى واتجوزت وخلفت ومنظرى بقا زفت من كتر كلام الناس غير الالم الى بحس بيها نفسيا وجسمانيا مش عارف اعمل اية

ملحوظة الوالد يعانى من نفس المشكلة تقريبيا بس لما كبر فى السن فقط والحبوب فى ظهرة فقط واققل منى بكتير

**Mo3taz Selim** · 08-02-2016 04:52 PM

أنا للأسف ماعنديش معلومات أو إجابه
بس أقدر أدعيلك ب
ان ربنا يشفيك ويجعله فى ميزان حسناتك

أسأل الله العظيم رب العرش العظيم أن يشفيك

اللهم رب الناس إذهب البأس ... اللهم انت الشافى لا شفاء إلا شفاؤك ... اللهم أشفه شفاءا لا يغادر سقما

**ali ashraf** · 08-02-2016 06:42 PM

الشفاء من عند الله و علينا الاخذ بالاسباب......الوالد عنده سكر او اى احد بالعائلة عنده لا قدر الله سكر بالدم ؟

**melouk1** · 08-02-2016 07:59 PM

اولا مش انت لوحدك في كتير جدا زيك
ثانياً لازم تبطل اي حاجه في الدنيا فيها دهون لان افرازات الغدد الدهنية عندك رهيبة في انتاجها
النت لوك مصري مش فعال قوي زي الرائكوتين المستورد الاصلي منه بس ده غالي تمن النت لوك مرتين ، و هي فعلا كل سنه لازم تاخدلك علبة تنشف الحبوب و تجيبلك جفاف في البشرة و تصفي بشرتك و تخفف الغدد خالص ، و تبطل ترجع تاني للاسف ، بس حذاري لانه بيأثر على أنزيمات الكبد ،،،
و فعال إن شاء الله ،، بس دي طبيعة جسم برده ،، بس نصيحة متاخدش النت لوك او الرائكوتين و في نية للخلفة لانه سبب تشوه للأجنة لحد اعرفه خلف ..
أسأل لك الشفاء التام ..

**tarek12** · 08-02-2016 08:38 PM

لازم تروح لدكتور جلدية و انصحك بعياده الجلدية بالمركز القومى للبحوث

**samyyousef** · 08-02-2016 09:31 PM

يقال ان اطباء الجلدية في الحوض المرصود...ممتازين

**3abdo.it** · 09-02-2016 10:24 AM

المشاركة الأصلية كتبت بواسطة ali ashraf

الشفاء من عند الله و علينا الاخذ بالاسباب......الوالد عنده سكر او اى احد بالعائلة عنده لا قدر الله سكر بالدم ؟

لالا

**3abdo.it** · 09-02-2016 10:27 AM

المشاركة الأصلية كتبت بواسطة melouk1

اولا مش انت لوحدك في كتير جدا زيك
ثانياً لازم تبطل اي حاجه في الدنيا فيها دهون لان افرازات الغدد الدهنية عندك رهيبة في انتاجها
النت لوك مصري مش فعال قوي زي الرائكوتين المستورد الاصلي منه بس ده غالي تمن النت لوك مرتين ، و هي فعلا كل سنه لازم تاخدلك علبة تنشف الحبوب و تجيبلك جفاف في البشرة و تصفي بشرتك و تخفف الغدد خالص ، و تبطل ترجع تاني للاسف ، بس حذاري لانه بيأثر على أنزيمات الكبد ،،،
و فعال إن شاء الله ،، بس دي طبيعة جسم برده ،، بس نصيحة متاخدش النت لوك او الرائكوتين و في نية للخلفة لانه سبب تشوه للأجنة لحد اعرفه خلف ..
أسأل لك الشفاء التام ..

بقالى 17 سنة بحاول اقابل حد زى علشان اصبر نفسى مبلقيش . اغلبهم لاما حبوب فى الوجة فقط لاما فى الكتف وخلاص او الظهر . لكن حد عندة فى الاماكن كلها مجتمعها مفيش والحمد لله غير

..

بس انا اعرف ان النت لوك بيشوة الاجنة لو الى بتخدة سيدة مش راجل

**3abdo.it** · 09-02-2016 10:29 AM

المشاركة الأصلية كتبت بواسطة samyyousef

يقال ان اطباء الجلدية في الحوض المرصود...ممتازين

رحت وكنا موقفينا زى المعيز . والى دخلتلها . المفروض انها دكتور ولكنها شبة مدمنى المخدرات وحطة رجل على رجل ولسة بتكلم معاها قلتلى خلاص متتكلمش وكتبتلى ورقة اجبها من الصيديلية الى فى وشهم . روحت جبت العلاج طلع عبارة عن كريمات تجميل وكلها دهون وب 300 . فهمت طبعا ان الموضوع بقا عبارة عن صفقة بينهم وبين الصيدليات مش زى زمان

**Ah.Farid** · 09-02-2016 01:06 PM

انصحك عن تجربة تعمل تحليل فى معمل محترم اسمة مزرعة بكتيريا

هى الفكرة انة بياخد جزء من الصديد الموجود فى الدمل او الحباية وبعد التحليل تروح لدكتور جلدية محترم هيكتبلك على مضاد حيوى يكون بيعالج نوع البكتريا او الفيروس او الهرمون اللى بيتكون منة وانشاء الله يكون علاج شافى