هل بتقبل الشرط الجزائي؟؟

**ToYoTa** · 25-11-2008 10:28 PM

معروف يا جماعة ان العقد الابتدائي بيتكتب فيه شرط جزائي علي كلا من البائع والمشتري بان اللي يرجع في كلامه يتحمل دفع الشرط الجزائي
فاحيانا يرجع المشتري عن الشراء لعدم تمكنه من تدبير المبلغ
واحيانا يرجع البائع لرجوعه في قرار البيع

بعض الفتاوي بتقول انه حلال في حالة وقوع الضرر فقط وان تأخذ علي قدر الضرر فقط وان لم يقع عليك ضرر فلا تاخذه لانه ليس حقا لك لانه ليس من كدك وتعبك

وبعض الفتاوي الاخري بتقول انه من شرط على نفسه طائعاً غير مكره فهو عليه والعقد شريعة المتعاقدين :k16:

فياريت كل واحد من الاعضاء يقول رأيه

**shankosi** · 25-11-2008 10:37 PM

موضوع شائك ولا يجوز الفتوى فيه بغير علم ويحتاج لشخص درس علوم الشريعة يفيدنا ..

ألله اعلم ...

**madoo** · 25-11-2008 10:46 PM

لقد افتى من قال لا اعلم

**limo** · 25-11-2008 10:59 PM

بص انا معنديش فكره من الناحيه الشرعيه
بس انا ممكن اكمك شويه من الناحيه القانونيه على اد ما اقدر
الشرط الجزائى هو التعويض الاتفاقى ويجب لكى يسحق توافر الضرر والخطأ وعلاقه السببيه
اذن بالمفهوم العكسى لو مفيش ضرر يبقى لا يستحق التعويض الاتفاقى (الشرط الجزائى )
الكلام ده فى القانون المدنى المصرى

**ToYoTa** · 27-11-2008 10:54 PM

جميل جدا

بس ماحدش قال لو اتحط في الموقف ده هيعمل ايه سواء بايع او مشتري

ياريت نعرف وجه النظر

**احمد عز** · 02-01-2009 09:58 PM

ايوة يا عم وانا مالي رزق وجالي من السما

**wesam_salom** · 06-01-2009 07:45 PM

لو انا بايع هاخد الشرط الجزائى وهعتبره بدل ايجاره للسياره وللعطله اللى عطلهالى

لو انا اللى بشترى هدفعهم لانها غلطتى من الاول

**lancerevolution** · 06-01-2009 07:53 PM

معرفش بس على حسب الموقف لو المشترى رجع بسبب ضائقة مالية بيمر بيها طبعا مش حاخد و حعفوا و أصفح و كله بثوابه
إنما لو إستعباط أكيد حاخد الشرط الجزائى عشان ميسطعبطش تانى

**د./اليشع ثابت** · 16-01-2009 10:21 PM

المشاركة الأصلية كتبت بواسطة lancerevolution

معرفش بس على حسب الموقف لو المشترى رجع بسبب ضائقة مالية بيمر بيها طبعا مش حاخد و حعفوا و أصفح و كله بثوابه
إنما لو إستعباط أكيد حاخد الشرط الجزائى عشان ميسطعبطش تانى

كلام جميل قوى
بس هو انت هتعرف ازاى اذا كان بيستعبط او فعلا ضائقة مالية
هو ممكن يكون عايز يرجع فى البيع لاى سبب و يقولك الف عذر
بصراحة ان شايف الشرط الجزائى هااام لجدية البيع
نفترض مثلا
انا نزلت بعربيتى السوق و واحد اتفق معاى على الشراء و دفع عربون 5 الاف جنية وكتبنا عقد ابتدائى و مشيت من السوق خلاص وهو فى اليوم التالى هيجيب باقى المبلغ و انا اسجل لة فى الشهر العقارى تمام كدة
وجاء هو فى اليوم المتفق علية و قال انة رجع فى البيع وانا مضطر جداا للبيع لاى سبب ما
اليس هو بهذا التراجع اضرنى واضاع سوقى الذى تركتة بناء على العقد المبرم و المفترض انة جاد وايضا تعبى و وقتى و مجهودى
بالطبع يستحق الجزاء هذا رأى انا وشكراا

**tutankhamoun** · 17-01-2009 06:27 PM

أيه المشكلة
و كنت ناوي أقول المثال اللي قاله الدكتور أليشع ثابت

الراجل ساب السوق و مش و روح علشان تم الأتفاق على البيع
و لما البيعة ما تمتش ........ الراجل خد تعويض عن العطلة بسبب الرجوع في الأتفاق

الشرط الجزائي يجب أن يكون معقول في التقدير.

مشاهدة نتائج الإستطلاع: بتقبل الشرط الجزائي؟

الموضوع: هل بتقبل الشرط الجزائي؟؟

LinkBack

أدوات الموضوع

عرض

هل بتقبل الشرط الجزائي؟؟ - انشر الموضوع فى :

-

-

-

-

-

-

المواضيع المتشابهه

بخصوص الشرط بتاعت درجة الحرارة

الحقوووووووني العربيه مش بتقبل بنزين مش عارف في ايه

هل الميجان بتقبل فقط بنزين 98 ؟

مطلوب فيات اونو الشرط حالة ممتازة

الكلمات الدلالية لهذا الموضوع

المفضلات

المفضلات

ضوابط المشاركة