صوت تكتكة على السلانسيه بيروح مع الضغط على الدبيراج

**nassif** · 13-02-2016 05:06 PM

ارجو الافادة فى المشاكل الاتية ( لانوس 99 عاملة 190الف كيلو )
اولاً : فى اول الدوارة السيارة - بتطول شوية علشان تدور و قد تحتاج لضغطة بنزين خفيفة
ثانياً : فى اول الدوارة فى صوت تكتكة حديد - بيروح الصوت عند الضغط على دواسة الدبرياج للاخر - الصوت جاي من عند القاعدة عند الفتيس ( عند تعشيق الفتيس و هز السيارة القاعدة تمام و ظاهريا تمام و بلا اى تشققات - لكن عند سماع التكتكة و وضع اليد عليها يكون الصوت منها ؟؟؟؟؟ ) مش عارف فيها ايه...
ثالثاً : بالنسبة لاستهلاك البنزين فهو حوالى 300 كم ل 31 لتر بنزين يعنى 9.3 كم / لتر هل ده عادى علماً بان الرشاشات عندى هى العادية التخينة
اسف للاطالة و معلش لانى جديد فى اللانوس ...

**fathiazab** · 14-02-2016 01:08 AM

اولا مشكلة الدوارة...راجع على فلتر البنزين ..ثم الطرمبة ..ثم الرشاشات.. ابدأ بالاسهل
اما استهلاك البنزين اعتقد ده معدل معقول ..وياريت تضبط فيه الاوكتان هتحس بفارق
اما صوت التكتكة ..مش عارف...انتظر راي باقى الاعضاء
ربنا يوفقك

**pepo2011** · 14-02-2016 09:24 AM

التكتكة ممكن بلية دبرياج او مسمار مفكوك من اي مكان بيسمع في الدبرياج

معدل الاستهلاك معقول اعمل تنضيف دورة واظبط فيشة الاوكتان هاتفرق معاك

**esnawy** · 14-02-2016 02:24 PM

بالنسبه للصوت اللي جاي من الفتيس ...ده صوت بليه عمود الدريك..ودي مش ببتغير الا لوحليت الفتيس ذات نفسه بس الفتيس عمره ماهيرجع زي الاول.
الاحسن انك تتعايش معاها ومفيش مشكله منها خاالص...او تجيب فتيس كامل استيراد
..انا عندي نفس المشكله من 3 سنين ومتعايش مع الصوت ده لحد دلوقتي

-بالنسبه لموضوع الدواره...شيك الاول علي كابلات الكهرباء اللي جايه من الموبينه..واختبر خرج الموبينه نفسها لانه جايز يكون فيها ربع قاطع ولا حاجه...لو مفيش مشكله في اللي فات...غير البوجهات وفلتر البنزين واختبر ضغط البنزين من الطرمبه.
لو كل اللي فات ده سليم ...غير الراشاشات بطقم استيراد

**q&q** · 14-02-2016 04:47 PM

هذا ما حصل معى بلنسبة للصوت زى ما يكون صوت صفاره أو بليه ولما بتدوس على بدال الدبرياج
بيروح ولما بتطلع بلعربية وتاخد سرعتها بيروح الصوط
وبلصدفة أكتشفت الصوتجى منين
في أول الشكمان مع الموتور بيكون فيه صاجه بتغطى المسامير التي تمسك الشكمان مع الموتور
الصاجه دى عباره عن غطاء على المسامير بتكون مقطوعه من جنب واحد وهيا بتثبت بمسمارين
مع تثبيت عنق الشكمان
وهيا دى الى بتعمل صوت زى البلية بتاعت الدبرياج

**fathiazab** · 14-02-2016 04:52 PM

++++++
كلام الاخوة سليم انا بحيي هؤلاء الافاضل

**nassif** · 14-02-2016 05:43 PM

الف الف شكر لحضراتكم و لاهتمامكم

**nassif** · 14-02-2016 05:51 PM

بالنسبة لفيشة الاوكتان - هى مفصولة عندى ( انا شارى العربية كده ) و الفيشة معايا فى شنطة العدة - و انا باحط بنزين 92
يا ترى كده تمام ولا ايه ؟

**pepo2011** · 15-02-2016 08:57 AM

تمام الحمدلله ربنا يستر طريقك

الموضوع: صوت تكتكة على السلانسيه بيروح مع الضغط على الدبيراج

LinkBack

أدوات الموضوع

عرض

-

-

-

المواضيع المتشابهه

صوت ونة من الفتيس (بيروح مع الضغط على الدبرياج)

صوت تكتكة عالي علي السلانسيه بعد السير بسرعة؟

صوت تكتكة خفيفة كده مع تحرك العربية على السلانسيه

صوت تكتكة خفيف أول ما أدور بيروح بعد دقايق ..

صوت تكتكة عند الضغط على الفرامل ما السبب

الكلمات الدلالية لهذا الموضوع

المفضلات

المفضلات

ضوابط المشاركة