تغير التربو باكبر

**oka2002** · 15-02-2016 09:56 AM

هل ممكن تغير التربو و رفع قوته من نصف بار ل 1 بار او 2 بار؟ و هل ده يعمل مشكلة فى الحرق

**tasaka** · 15-02-2016 12:21 PM

كمعلومه عامه
1- لو نتج عن ذلك رفع كبير لنسبه الانضغاط جوه البساتم .. يبقى لازم تشوف نوع البنزين المناسب لنسبه الانضغاط الجديده

2- لو نتج عن ذلك رفع كبير لنسبه الانضغاط جوه البساتم و بالتالى رفع كبير للقوه الحصانيه .. يبقى حتحط بوجيهات معاملها الحرارى يكون ابرد و ده بتعرفه من رقم كود البوجيه .. و فى العربيات المعدله ده بتكون بالتجربه و الخطأ لحين الحصول على الاداء المناسب من البوجيهات

3- اعتقد نسبه انضغاط
1:9 بيكون بنزين 80 ..
1:10 بيكون بنزين 92 ..
1:11بيكون بنزين 95 ..
اما النسب الاعلى من كده و بتوصل الى 1:13 دى بتكون العربيه كلها مصممه لتتناسب مع هذه النسبه

4- عاده فى مصر لبعض السيارات الفخمه الحديثه .. بيعيدوا برمجه التيربو لتخفيض الانضغاط .. ليتناسب مع البنزين المصرى

ده كله كلام عام

**Mecha** · 15-02-2016 12:53 PM

ممكن يتغير التربو او يترجلش الويست جيت
عشان باور

**م/أحمد عبد الفتاح** · 15-02-2016 08:08 PM

بالاضافة للى قالوه الاخوة انا حاتكلم على النتيجة النهائية للتعديل ده :
- اول حاجه التربو الاكبر حايحتاج عدد لفات موتور اعلى وانت سايق علشان يديلك التأثير المطلوب منه والا حايعمل معاك حاجه اسمها ال turbo lag وده ممكن التغلب عليه لو بنعدل لعربية سباقات مش لعربية بتسوقها فى الشارع عادى !!!!!
- عدد اللفات العالى للموتور بيسبب عدد لفات عالى للكومبريسور وبالتالى العادم اللى انت حتحتاجه علشان تلفف التربينة حايزيد فالكومبريسور حايسخن وبالتالى الهوا اللى حيدخل على غرفة الاحتراق حايسخن واقل حاجه حاتحصل بسبب سخونة الهوا اللى داخل على الموتور ان كميته حاتقل عن الاول وبالتالى حتاخد تأثير عكسى من التربو ده غير مشاكل سخونة الموتور والعادم الكثيف اللى حايطلع من الشكمان والاستهلاك الزايد من البنزين .

**Colin Chapman** · 15-02-2016 11:10 PM

المشاركة الأصلية كتبت بواسطة Mecha

التربو اللي راكب كنترول اكتروني ولا ميكانيكي

تخمين كده هيكون ميكانيكى

**Mecha** · 16-02-2016 03:16 AM

المشاركة الأصلية كتبت بواسطة colin chapman

تخمين كده هيكون ميكانيكى

تمام ، اهو الديافرام الصغنن ناس بتلعب في التيش الخارج منه وتزود البوست، وفيه لعب في السوفت وير
المشكله صاحب العربيه مبيقلش تفاصيل. طرمبه نظامها ايه اللي راكبه .ممكن يركب افتر كولر