جولف 2 تستاهل ولا لاة؟

**ahmad--ezzat** · 26-11-2008 02:09 AM

المشاركة الأصلية كتبت بواسطة vwlover

موتور الفيرنا جميل بس يا جماعة فى التجميع مش زى الجولف نهائى,يالنسبة للترخيص يا باشمهندس انا ثابت الموتو 1300 سى سى والبنزين انا فى ردى على محمد انها مش بتاكل بنزين نهائى زى مانتو فاكرين وبعدين يا جماعة انا واحد من الناس ما بعترفش يالفيرنا خالص كفاية انهم مسمينها عربية الحوادث,استرها يا رب معانا ,ما تزعلوش منى انا فولكساوى صميمممممممممممممممممممممم ممممممممممممممممممممممممم

انا كمان مش بحبها ولما بشوفها ماشية على الطريق بقول ربنا يستر للناس اللى جوة

**vwlover** · 26-11-2008 02:15 AM

بس يا باش مهندش اخر الفيرنا كام على الطريق؟180 قول يا سيدى 190 مش هزعلك ودة مش هيحصل ولو حصل انت عارف اللى هيكون,انا ركبت مع واحد صاحبى معاة جولف 2 فيها مكنة 2000 سى سى abf 160 حصان جاب 220 بس العربية فيها عفشة رياضية والعربية لسة فيها تانى كمان انا مش عاوز اقولك انا كنت نايم فى الدواسة والعربية ستابل جدا, تقولى فيرنا فيرنا اية يا باشا؟ اما بالنسبة للاوبا استرا اة الكورسا 2004 دول تقفيل مصرى من منصور مفيش من العربيات دية فى اوروبا نهائى

**fast_car** · 26-11-2008 11:28 AM

كنت سيبت البولو وسقطت فيها ماتور 1400 او 1600 و كانت
تبقى حكاية وموديل حديث وكمان تقدر تشد مع اى حد براحتك وعلى فكرة التكيف اشتغل معاها زى الفل والسحب تمام وطبعا لو جنط 14 بتاعها استيراد ومساعدين غاز كنت شوفت البولو بجد و برضة كنت حتثبت الموتور فى الرخصة على انة 1000 . انا عملت اللعبة دى وشغالة تمام

**FASTER** · 28-11-2008 02:40 PM

الجولف جولف والموديل ده من الموديلات اللي مالهاش دعوة بالموديل دي عربية مبتعجزش زي البي ام دبليو الام فورتي كدة الموديلات دي ليها عشاقها وليها اندية لملاك الموديلات دي في مختلف انحاء العالم انما الفيرنا وغيره عربيات حلوة اه بس عربيات تجارية في المقام الاول مش عربيات عمر طويل
ويجعله عامر

**aid904** · 29-11-2008 01:25 PM

كلام الاخوة صح 100 / 100 الجولف فعلا حكايه
أنا لسه جايب جولف 2 موديل 89 . بصراحه حكايه في الثبات والقوة مع أنها 1300 . وبرغم أني مش بحب الشد و الغرز إلا أن سمعتها الكبيرة في المواضيع دي خلتني أجرب و النتيجه كان أكثر من رائعه أنا بأتخيل لو الموتور كان 1600 ولا 2000 مكنش حد يقدر يكسبها أبدا.
دة طبعا غير أتساع الصالون وأحساسك بالفخامه برغم أنها موديل قديم

**ahmed1981** · 03-12-2008 11:01 PM

المشاركة الأصلية كتبت بواسطة ahmed21015

طيب سيبك من الجولف القديمة دى وهات فيرنا زيرو هتطلع 60 جولف 2 سواء 2000 سى سى او اى حاجة
دة لو بتفكر فى السحب والتجميع

مش هقدر أسكت بعد سماع هذا الكلام
واضح إن حضرتك لم تجرب أبداً جولف2 مشدودة بموتور 2000 CC
لا تقارنها بشيء في الجري لا فرنا ولا غيرها
ومسألة إنه يجيب فيرنا دي مسألة فلوس
الجولف2 بحوالي40000 والفيرنا بحوالي 70000

أنا معايا جولف2 1300 CC رغم إني لست من هواة الجري والسحب إلا أنها أجبرتني على الوصول لسرعة 160 كلم /س وأكثر في أحيان كثيرة
وثبات بسم الله ماشاء الله

**ahmad--ezzat** · 04-12-2008 01:57 AM

حضرتك متهيالك
الفيرنا تكنولوجية ماتور اعلى والعربية اصلا خفيفة مجرد ما تكبس بنزيد زيادة بتنط
لكن الجولف مش هتنط
ياريت تكون فهمت النظرية
(مش عشان المانى يطلع من الكورى)

**ahmed1981** · 04-12-2008 02:50 AM

المشاركة الأصلية كتبت بواسطة ahmed21015

حضرتك متهيالك
الفيرنا تكنولوجية ماتور اعلى والعربية اصلا خفيفة مجرد ما تكبس بنزيد زيادة بتنط
لكن الجولف مش هتنط
ياريت تكون فهمت النظرية
(مش عشان المانى يطلع من الكورى)

سؤال يا أستاذ أحمد
هل حضرتك جربت الجولف2 بموتور 2000 CC ؟؟؟؟

**ahmad--ezzat** · 04-12-2008 02:53 AM

لا انا جرب الجولف
4 1600
مش زى الفيرنا فى الاول والتانى بتاعها خالص

**ahmed1981** · 04-12-2008 02:58 AM

المشاركة الأصلية كتبت بواسطة ahmed21015

لا انا جرب الجولف
4 1600
مش زى الفيرنا فى الاول والتانى بتاعها خالص

كويس
جرب الجولف2 ال 2000 cc
وقل لي على الأخبار
بس طلب متزودش عن سرعة 240 في الغرز
أنا مبهزرش حاول تجرب واحدة منهم وقلنا الأخبار

الموضوع: جولف 2 تستاهل ولا لاة؟

LinkBack

أدوات الموضوع

عرض

-

-

-

-

-

-

المواضيع المتشابهه

يا ترى الأفيو تستاهل؟؟؟!

صور كرستاله تستاهل

تفتكر عربية زى دى تستاهل كام ؟؟؟

انا اقصدي ان الواجا تستاهل

الاوبل كورسا دية تستاهل ؟

الكلمات الدلالية لهذا الموضوع

المفضلات

المفضلات

ضوابط المشاركة