عايز اشتري عدة تليفون أرضي

**#MAAM#** · 19-02-2016 02:09 PM

أنا استفدت جدا من المناقشة أنا كنت بدور على عدة برضة والحمد لله لقيت الموضوع ده

**DreAmO** · 19-02-2016 10:08 PM

شكراً لكم جميعاً .. استفدت بمشاركتكم
واضح ان في إجماع على بانسونيك .. وفكرة حلوه اني اروح راديوشاك

والسبب الرئيسي لإحتياجي للعدة مش اني اتكلم فيها .. بالعكس ان بفصل عدة التليفون اساسا ومش بستخدمه غير للمكالمات الضروريه للشركات

لكن بتفيدني في فحص جودة الخط علشان النت
لو في اي شوشورة بسيطة او زنة عالخط .. بتأثر عالنت

**mesaharaty** · 22-02-2016 02:23 PM

المشاركة الأصلية كتبت بواسطة javierzanetti

روح radioshack هتلاقى فيه alcatel و panasonic , و ماركات تانية نضيفة و متوسط الاسعار 100 جنيه

ده كلام سليم 100%

**Elawany13** · 22-02-2016 03:26 PM

المشاركة الأصلية كتبت بواسطة dreamo

روحت امبارح راديوشاك
لقيت حوالي 7 عدة تليفون بانسونيك شكلهم قريب من بعض
لكن لون ابيض فقط وانا عايز لون اسود .. وكلهم عدد فيهم امكانيات انا مش محتاجها
وبالتالي سعرهم مرتفع

لقيت عدة واحد كاتيل

ولقيت عدد كتير لاسلكي .. لكن ماعجبونيش .. حتى ملقتش خاصية تغيير التردد او قناة الارسال علشان لو حصل تداخل
زي ماهي موجودة في عدة لاسلكي بانسونيك قديمة عندي كانت جاية من السعودية
غير ان كلهم عدة لاسلكي بقاعدة شحن فقط .. يعني مفيش بقاعدة فيها سماعه .
والبياع كان بيحاول يقنعني باللاسلكي .. بس انا صراحه معجبنيش خالص وشوفتها عدد على غير المستوى
رغم ان سعرها مرتفع .

كل العدد لاسلكيه الحديثه اللى شوفتها مفيهاش حكاية تغيير التردد
ومحصلش ابدا موضوع التداخل اللى بتقول عليه والصوت نقى جدا
وكله بقى بقاعدة شحن فقط
انا عندى عده باناسوينك لاسلكية جايه بسماعتين وقاعدتين للشحن
قاعدة واحده فيهم بتتوصل بخط التليفون والتانية بتتوصل بالكهرباء وخلاص
وفيها امكانيات جميلة بتقدر ترد من اى سماعه وتحول المكالمة الى الأخرى
وممكن تعمل كونفرنس