ما هو الحد الأقصى من الدولار عند دخول اى فرد البلد

**Rsarabia** · 18-02-2016 04:35 PM

هل فى حد اقصى لو حد برة مصر و نازل مصر يقدر ينزل بيه يعنى فى جيبه الشخصى ؟؟

**DreAmO** · 18-02-2016 07:16 PM

على إفتراض ان البلد اللي جي منها ملهاش حد اقصى لخروج المال
وداخل مصر بمليون دولار

في الظروف اللي احنا فيها دي .. المفروض مصر للطيران تحجزله vip مجاني ويستقبله وزير الماليه كمان في المطار بالورود
ويشكروه ويقلولو ياريت تكررها كتير .

على العموم هو سؤال مهم .. وياريت نعرف الحد الأقصى للتحويلات من خارج مصر كمان .

**mk3** · 18-02-2016 08:34 PM

فى قولان
الدخول باى رقم شرط تثبت الزياده عن 10 الاف دولار
والقول التانى اخرك تدخل ب 10 الاف دولار او ما يعادلهم بالعملات الاخرى .
وفى قول تالت فى الاستخبس ادخل باللى انت عايزه ونحظش بيسأل بس معرفش لو اتقفشت حكمها ايه

**HeMa_LanCeR** · 18-02-2016 09:42 PM

المشاركة الأصلية كتبت بواسطة mk3

فى قولان
الدخول باى رقم شرط تثبت الزياده عن 10 الاف دولار
والقول التانى اخرك تدخل ب 10 الاف دولار او ما يعادلهم بالعملات الاخرى .
وفى قول تالت فى الاستخبس ادخل باللى انت عايزه ونحظش بيسأل بس معرفش لو اتقفشت حكمها ايه

الحد الاقصي 10000 دولار او ما يعادلها بأي عملة
ولو اتمسك بأكتر من كده الفلوس كلها بتتصادر وبيدفع غرامة 5000 جنية :)

**DreAmO** · 18-02-2016 09:50 PM

المشاركة الأصلية كتبت بواسطة hema_lancer

الحد الاقصي 10000 دولار او ما يعادلها بأي عملة
ولو اتمسك بأكتر من كده الفلوس كلها بتتصادر وبيدفع غرامة 5000 جنية :)

طيب والتحويلات من الخارج للداخل عن طريق السويفت
ايه هو الحد الاقصى اليومي والشهري ؟

**ali ashraf** · 18-02-2016 10:52 PM

المشاركة الأصلية كتبت بواسطة rsarabia

هل فى حد اقصى لو حد برة مصر و نازل مصر يقدر ينزل بيه يعنى فى جيبه الشخصى ؟؟

الحد الاقصى 10 الاف دولار و سبب منع الزيادة هو قوانين دولية للقضاء على غسيل الاموال و حتى فى اكثر دول العالم هناك حدود للكاش سواء داخل او خارج من الدولة , عموما حمل مبالغ كبيرة كاش فيه خطورة شديدة لا داعى لها أقترح على حضرتك تفتح حساب فى بنك محترم مثل hsbc و يعملك حساب بالدولار فى مصر و ممكن يحول اتوماتيك للحستب الجديد فى مصر او يعطيك حوالة تصرفها من اى فرع تابع للبنك ( بس العمولة مش عارف كام) و دى تخضع لرقابة البنك المركزى يعنى قانونية و بعلم البنك المركزى المصرى .

**Karim Alaa** · 19-02-2016 09:31 AM

سورى يا شباب بس كل المطلوب انه يعلن عنها و هو داخل البلد فقط اى دولار زياده عن 10 الاف دولار و بس خش بشنطه فيها مليون دولار بس اعلن ان معاك مليون دولار لما تتسال معاك حاجه عايز تعلن عنها

**mk3** · 19-02-2016 08:53 PM

المشاركة الأصلية كتبت بواسطة karim alaa

سورى يا شباب بس كل المطلوب انه يعلن عنها و هو داخل البلد فقط اى دولار زياده عن 10 الاف دولار و بس خش بشنطه فيها مليون دولار بس اعلن ان معاك مليون دولار لما تتسال معاك حاجه عايز تعلن عنها

بحث صغير على جوجل هتلاقى فلوس اتصادرت من ناس داخله
وفى نفس الوقت كلامك صح

**ali ashraf** · 20-02-2016 05:42 AM

ممكن تأخد معاك شنطة فيها مليون دولار صحيح و لكن المووع مش بالبساطة دى أولا محتاج الموافقة اولا من الدولة اللى انت خارج منها بأثبات المبلغ ده و مقدار المبلغ اللى مفروض تبلغ عنه لو زاد عن قدر معين , اعتقد فى السعودية مثلا 60 الف ريال سعودى , و زى مقلت لحضراتكم دى قوانين دولية للحد من انتقال الاموال بشكل كاش علشان دى يصعب تتبعها للقضاء على جريمة غسيل الاموال , المهم الجزأ الثانى عند قدومك مصر بمبلغ كاش يزيد عن 10000 دولار و بفرض انك بلغت السلطات بالمبلغ اللى معاك المبلغ بيصادر مؤقتا و يتعمل محضر اثبات حالة و ليس محضر اتهام و بيحصل تحقيق لأثبات مصدر الاموال دى و هل اثبت خروجها بشكل رسمى من الدولة اللى انت طالع منها و لو حدثت اى ثغرة فى تتبع الاموال دى يبقى عليك العوض ومنه العوض و " تلبس قضية" وآسف على لفظ تلبس و لكنها لغويا افضل كلمة تعبر عن هذا الحدث

**Karim Alaa** · 20-02-2016 07:32 AM

المشاركة الأصلية كتبت بواسطة mk3

بحث صغير على جوجل هتلاقى فلوس اتصادرت من ناس داخله
وفى نفس الوقت كلامك صح

بص هو كلامى اكيد و تجربه بجد من حد قريب منى جدا و المملغ كان بالزبط 25 الف دولار من 4 شهور بالظبط الناس دى بقى اتصادرت فلوسهم هل اعلنو عنها ؟ يعنى مكتوب فى الخبر اعلن فى الجوازات قامو فابضين عليه و صادرو الفلوس ؟ لو كده يبقى بطاطس لان القانون مبيقولش كده التجربه العمليه مبتقولش كده برضه :d

استاذ على قريبى عدى فى نفس اليوم بالفلوس كان فى ورق اه و مضى عليه بس خرج فى نفس الوقت و انا مروحه بيته و معاه فلوسه و كان معلن عنها برا برضه و هو جاى (اوروبا)