الموضوع: رعشة خفيفة فى سحب افيو 2014 اوتو

الصراحة انا مش عارف اوضح المشكلة ازاى بس هحاول وياريت تفيدونى .. رعشة خفيفة جدا فى السحب وانا ماشى بمتوسط سرعة 80 ...بمعنى وانا ماشى و الار بى ام متوسطة 2.5 على الغيار 3 او 4 فى الفتيس بحس برعشة خفيفة وانا دايس بنزين مع ان المفروض احس ان السرعة بتزيد من غير رعشة زى وانا ماشى مثلا متوسط سرعة 110/120 كم/ساعة...وعندى اول ما اجى اطلع اول اليوم بالعربية بسمع صوت زى تخبيط معلقتين فى بعض بس على خفيف وبمجرد ما امشى حوالى نص كيلو الصوت يختفى تماما... وانا غالبا بدوس كيكات كتير وانا مسافر بمتوسط سرعة 80 علشان المشكلة اللى فوق دى لان بحس ان السحب ضعيف جدا جدا جدا فبضطر انى ادوس كيك لحد ما اوصل 110 مثلا واثبت على كدة... كان عندى مشكلة لمبة التشيك انجين بردة وانا مسافر وفى مركز معتمد قالولى غالبا حساس شكمان لان الشكمان بيجيب دخان اسود خفيف وروح التوكيل لو عاوز اجراءات سريعة مع العلم انى بعمل صيانات دورية وروحت التوكيل غيرلى السوفت وكنت عارف انة هيعمل كدة وقالى الحساس سليم واقتنعت الصراحة وقولت الحساس ملحقش يبوظ وان كمان اللمبة بطلت مشكلة انها تنور.... برجاء الافادة واسف على الاطالة.

اللى مزعلنى ان بعد كل الشرح دة مفيش حد عاوز يساعد ويفيد غيرة