صوت احتكاك وخشونة

**Moustafa.yonis** · 25-02-2016 09:28 AM

السلام عليكم
معايا لوجان 2012 مانيول عامله 71 الف كيلو
عملت صيانة ال 60 في التوكيل كامله وكنت خرجت من الضمان ساعتها
دلوقتي بسمع صوت احتكاك او خرفشه الغريبة انه بيحصل وهي واقفة يعني مش عجل مش كبالن مش اي حاجه بتتحرك
وملهاش علاقة كمان بالبدبرياج يعني الصوت مش بيروح تماما لما بدوس دبيرياج
مفيش مشكله في سحب العربية وبقدر اطلع بيها علي التاني كاختبار
فقط صوت الخشونة دي بيظهر وبيختفي بلا اي منطق
سمعت كذا كلام ممكن يكون بلية فتيس لا دا طقم فتيس لا دا قواعد موتور لا دا قواعد فتيس لا دا كبالن
بعد ال10 الف بعد صيانة ال 60 بتاعه التوكيل غيرت الزيت بره موبيل 10 الاف
وكشفت علي زيت الفتيس لقيته كويس
وكمان الراجل قالي غير زيت الفرامل والباور علشان اسود تماما
الصوت قل شوية لكن ملهوش قاعدة سباته، بيظهر ويختفي وفقط

كان فيه قبل كده عندي صوت زنه مع دوسه البنزين فقط حد قالي ده سير دينامو، اللي هو المفروض اتغير مع صيانه ال 60، الصوت ده مش ازمه بس اكيد بيشير لمشكله

افيدونا ربنا يبارك فيكم

**mostafabakry** · 25-02-2016 11:07 AM

الصوت دا ظهر من بعد صيانة ال60الف و لا من قبلها ؟؟؟

المفروض انهم في صيانة ال 60الف كم بيغيروا طقم الكاتينة ( بلي و سير) و بيشوفوا طلمبة المياه لو محتاجة تتغير بالمره
و طبعا سر الدينامو هل هما غيروا الحاجات دي و ركبوها صح و لا لأ

حاول تشوف بلية الدينامو و حدافة الكرنك ايه اخبارهم

حاول تشوف ميكانيككي كويس و يكشف عالعربية و يراجع علي كل حاجة
لا تثق بالتوكيل ممكن جدا يعملوا شغل غلط و يعكوا الدنيا

**Moustafa.yonis** · 25-02-2016 03:17 PM

تعرف حد كويس في مدينة نصر

**Moustafa.yonis** · 29-02-2016 01:40 PM

رحت للميكانيكي
فك العربية وكشف علي الفتيس والبلية لقاهم تمام بس ملقاش نقطة زيت مع الفتيس مع اني لسه مطمن عليه في البنزينة من 3 اسابيع بالظبط
طلعت الكاوتشه بتاعه الكوبلن بتاع الفتيس فيه مشكله والمسامير اللي مسكاها نعمت وفكت ودلقت الزيت
الموضوع ده حصل علي مراحل وكانت اخر حاجه المسمار التالت والزيت اتدلق
غير الكاتوشه و خرط المسامير والعربية تمام الحمد لله
الميكانيكي امين وشاطر هو في مدينة نصر قريب من السراج كده بس انا شايف انه غالي شوية
حاسبني علي فك العربية علي 320 وقالي انه عمل معايا واجب جامد لانه بيفكها بالطبيعي ب 450

ياتري ايه رايكم في اللي حصل والاسعار

**adel_edrees** · 29-02-2016 08:15 PM

المشاركة الأصلية كتبت بواسطة mostafabakry

الصوت دا ظهر من بعد صيانة ال60الف و لا من قبلها ؟؟؟

المفروض انهم في صيانة ال 60الف كم بيغيروا طقم الكاتينة ( بلي و سير) و بيشوفوا طلمبة المياه لو محتاجة تتغير بالمره
و طبعا سر الدينامو هل هما غيروا الحاجات دي و ركبوها صح و لا لأ

حاول تشوف بلية الدينامو و حدافة الكرنك ايه اخبارهم

حاول تشوف ميكانيككي كويس و يكشف عالعربية و يراجع علي كل حاجة
لا تثق بالتوكيل ممكن جدا يعملوا شغل غلط و يعكوا الدنيا

الحاجات دى لما بتتغير بتبان على طول إذا كانت ركبت صح و ألا غلط