فعلا.. الكتالوج قايل أول مرة بعد 200 ألف كيلومتر أو 10 سنوات (أيهما أسبق) .. وبعد كده يتغير كل 40 ألف أو سنتين (أيهما أسبق)

بس تصدق أول مرة آخد بالي من موضوع المية المقطرة ده!!!

عموما.. بالنسبة لتزويد المية.. فأنا شايف إن النسبة بتاعتنا (الـ35%) هي أقل نسبة موجودة.. وبالتالي لو هتزود.. يبقى تزود مية موبيل زي ما هي من غير تخفيف... بشرط إنها تكون من أخف تركيز اللي هو 33%.

بس أعتقد السوق فيه عبوات مركزة.. ممكن تجيبها وتحسب نسبتها إلى الحجم الإجمالي بتاع المية المذكور في الكتالوج عندك.. وتزود منها الكمية المناسبة ..


وبغض النظر عن كل ده... أنا شايف إن أهم حاجة في ده كله إنك تجيب مية التبريد المناسبة فعلا... علشان فيه بعض الأنواع اللي بتبقى مش مناسبة للرادياتيرات الألومنيوم... ودي ممكن تسبب مشاكل ضخمة لو اتحطت في الرادياتير... أبسطها.. الرادياتير يبقى زي المنخل.. ده إذا ما كانش الموتور نفسه ممكن يتأذي .. لإنه فيه أجزاء ألومنيوم هو كمان.


...