الموضوع: عايز اشتري لادا

السلام عليكم ورحمة الله وبركاته انتى بتحب الادا ليه دى اول عربيه لى من 16 سنه وعلمتنى الادب وبعدين العربية اللى تركبها ماترجعش ليها تانى وبلاش تقولى عربيه جامده هقولك الفولفو اجمد عربيه نفس موديل الثمانينات وطبعا مش معنى انى راكب عربية جامده هخبط فى الناس المهم شوف عربيات تانيه اكيد هتلاقى عربيه تريحك لكن لادا مرتين لا ولو حببها قوى يبقى الروسى طبعا وربنا يوفقك

شكرا يا استاذ محمد علا كلامك بيني وبينك العربيه اللادا دي متناسبه معايا جدا لهدف واحد بس اني عندي عربيتين واحده للسفر الطويل والرحلات والكلام دا وواحده جوا البلد والمشاوير القصيره والمشي وسط التكاتك والمكروباصات الي بيخنقو كتير منا وخصوصا لو معاك عربيه جديده انا بقا حابب اني اعلمهم الادب واربيهم بصراحه لانهم مش بيرحمو حد بعربيه جديده فنا بجيب عربيه هالك في مهلوك حتا لو حصلها حاجه مش بتبقا زعلان زي الجديد فعشان كدا انا حابب اللادا وخصوصا ان التكاتك والكروباصات بتخاف مني جدا لما اركب اللادا وقطع غيراها عند البقال وصيانتها بسهوله واعطلها معروفه غير عربيات تانيه كتير وانا شخصيا بحترمها وبحبها مع انها خشنه بس تحس انها متئمنه وصاجها تقيل والاات جر خلفيه يعني فيها عزم وقوه تحمل من الاخر حتت حديده محبوبه عند ناس كتير بس كنت عايز اعرف ايه احلا موديل فيها

السلام عليكم ورحمة الله وبركاته على العموم هيا ليها مميزات بس الفولفو اقوى عربيه سيدان شوفتها فى حياتى هيا دى مش حديده لا دى صخره اما الموديل طبعا كل ماتعلى فى الموديل افضل المهم روسى خلى بالك روسى وكاتينه جنزير لان الكاوتش فى الادا فاشل مش مهم الهدوء المهم القوه وربنا يوفقك

لادا تكون روسى الموديلات الجديده فى الروسى انجكشن بس عادى متخفش منه وبنزين ٨٠ بس حتلاقى فرق فى الصاج بين الروسى الجديد وبين اللى كانت معاك ابعد تماما عن اللادا المصرى

السلام عليكم ورحمة الله وبركاته تصدق بلله انا اى حاجه تدخل فيها ايد مصريه مابشترهاش خالص حتى قطع غيار الادا حاليا سوقى غيرمعمره خالص وشركة الامل محتكره كل حاجه فى الادا وربنا يوفقك فى الصالح

المشاركة الأصلية كتبت بواسطة mohsal

لادا تكون روسى الموديلات الجديده فى الروسى انجكشن بس عادى متخفش منه وبنزين ٨٠ بس حتلاقى فرق فى الصاج بين الروسى الجديد وبين اللى كانت معاك ابعد تماما عن اللادا المصرى

اشكرك للنصيحه
عايز اعرف الفرق بين المصري والروسي

السلام عليكم ورحمة الله وبركاته لادا روسى لادا مصرى مفيش فرق كبير الاثنين تبع شركة الامل اللى احد مؤسسيها حمدى لادا ياجماعه مفيش حاجه دلوقتى مضمونه حد ضامن انها صناعه روسى والمصرى شكلها مختلف عن الروسى يعنى حتى العلامه اللى فى حوض الموتور مكتوبه بلروسى تضمن منين انها روسى وليه الادا الوحيده اللى فى مصر فى منها مصرى وفى منها روسى وهوفى شركه واخده توكيل تجميع من الشركة الام هتسمح لحد يدخل نفس العربيه مصر الخلاصه كدبة دى مصرى ودى روسى الاثنين تجميع مصرى ده ضحك على الزبون المصرى عقدة الخواجة فى النهايه الادا دى كلها مشاكل ولما اتجمعت فى مصر خربت خالص ؟ فى بلدنا علشان تنجح عربية فاشله غرق السوق بقطع غيار اصلى على صينى تحت السلم شغال المهم غرق السوق بقطع غيارها تقش الكل وشكرا

المشاركة الأصلية كتبت بواسطة mohamed desoky

السلام عليكم ورحمة الله وبركاته لادا روسى لادا مصرى مفيش فرق كبير الاثنين تبع شركة الامل اللى احد مؤسسيها حمدى لادا ياجماعه مفيش حاجه دلوقتى مضمونه حد ضامن انها صناعه روسى والمصرى شكلها مختلف عن الروسى يعنى حتى العلامه اللى فى حوض الموتور مكتوبه بلروسى تضمن منين انها روسى وليه الادا الوحيده اللى فى مصر فى منها مصرى وفى منها روسى وهوفى شركه واخده توكيل تجميع من الشركة الام هتسمح لحد يدخل نفس العربيه مصر الخلاصه كدبة دى مصرى ودى روسى الاثنين تجميع مصرى ده ضحك على الزبون المصرى عقدة الخواجة فى النهايه الادا دى كلها مشاكل ولما اتجمعت فى مصر خربت خالص ؟ فى بلدنا علشان تنجح عربية فاشله غرق السوق بقطع غيار اصلى على صينى تحت السلم شغال المهم غرق السوق بقطع غيارها تقش الكل وشكرا

تقريبا 2105 دي روسي على حد علمي مفيهاش ايدي مصريه اشتغلت فيها و2107 فيها روسي 100 ف الميه الي هيا موديلات التسعينات واوائل الفين بس فيه لخبطه جامده ف الاتنين عايزين حد يعرف فيهم اوي يقول علا الفروقات الي بينهم