الموضوع: سكودا فليشيا بتقطع ديما وتبطل ومش عارف السبب

المشاركة الأصلية كتبت بواسطة shayttoon

السلام عليكم ورحمه الله

عندى سياره سكودا فليشيا موديل 1996
السياره بتنتش وتقطع ودا على غير العاده مع العلم ان من فتره اول ما اشتريت العربيه كان رائحه العادم غير طبيعيه مع سحب ضعيف جداا دا غير انى كنت بحتاج اسخن العربيه فتره كبيره قبل الخروج بها ولما كنت بشيل رجلى من على البنزين كانت بتبطل ودا فى بدايه اليوم
وديتها لميكانيكى قالى الكربراتير محتاج صيانه عملت صيانه للكربراتير كلفنى تقرييبا 250 جنيه وبعد التركيب السياره تمام واختفت رائحه العادم لكن متخصص الكربراتير اوصانى انى اظبط التاكيهات عند الميكانيكى وتم بالفعل ظبط التاكيهات والسياره بقت تمام التمام بفضل الله لمده تقريبا شهر مفيش اى مشاكل حتى مشكله التسخين فى الصباح انعدمت وبس ادوس دوسه او 2 وتستقر السياره بدون دوس بنزين لحين التسخين
من كام يوم سافرت بالسياره مشوار تقريبا 30 كيلو مش مسافه يعنى المهم راجع بليل على الطريق فا اكلت مطبين بالعدد وكانو ورا بعض تقريبا بعدهم عن بعض حوالى متر مش اكتر المهم محستش بأى مشكله لحد ما رجعت وركنت العربيه كالعاده تانى يوم بتحرك بالعربيه سامع صوت خروشه مش معتاد فى منطقه جمب السواق المهم مهتمتش ومشيت عليها يومين العربيه زى الفل كل ئلى فيها صوت خروشه ومش عارف سببه شافها واحد ميكانيكى قالى الماكينه تمام التمام ممكن يكون صوت الدينمو عايز جلبه او شى وديها لكهربائى
وديتها لكهربائى الناس كلها بتقول عليه صنيعى وبتاع المهم قالى الصوت داا من الاسبراتير محتاج جلبه ولو روحت لاى حد هيقولك غيره رووح اعمله جلبه وتعالى وبالفعا عملتله جلبه ورجعتله ركبه وابتدت المصيبه بقاااااا ( بعد التركيب قالى انا مش عارف اظبط العربيه وديها لميكانيكى بس يظبطلك الهوا وينعم صوت الماكينه مع العلم ان لاول مره الاقي عداد الار بي ام بيهرج تهريج فظيع يلعب ويروح للاخر ويرجع وطول الوقت بيتهز قالى روحله وارجعلى تانى دا طبيعيى لحد الجلبه ما تطبع طبعااا انا حاسس انه بيشتغلنى جدااا بقاا وديتها للميكانيكى قالى انا ظبط العربيه بس بتعمل فرقعه من الشكمان طيب الحل ايه يا عم قالى هات طقم بوجيهات قلتله هات مع العلم انى كنت لسه مغيره مع ظبط الكربراتير زمان المهم غيره العربيه صوتها كويس وتمام التمام قالى ارجع للكهربائى بقاا علشان عداد الار بى ام ركزو معايا فى دى بالله عليكم ( قوله ان العربيه بتقطع من الاسبراتير خليه يظبطه ) المهم رجعتله بالعربيه قالى سيبهالى سيبتهاله ومشيت روحت بليل استلم السياره قالى تمام التمام بس الوقت كان اتأخر وكنا يوم السبت لقيت الار بى ام لسه مش شغال قالى هاتهالى يوم الاثنين اشتغلك فيها علشان الوقت اتاخر يوم الاحد بقا ئلى هوا انهرده بسم الله مشاء الله العربيه وفى الصباحح رجعت تانى افضل دايس بنزين فنره لحد ما تسخن وبتقطع وتبطل مع الفرامل ومفيش سحب وكمان الصوت مرحش ئلى اصلا كنت موديها بسببه والميكانيكى قالى دا صوت سير الكاتينه تخيلو :_alshmokh08[1]:

بالله عليكم انقزونى من مشكلتى وقلولى الحل فين وايه المشكله اصلا وايه ئلى رجع المشاكل دى كلها تاننننى انا فعلا تعبت

ايه اللى بيحصل دا ميصحش كدا بجد ربنا ينتقم من كل انسان مبيعرفش وقول انه بيعرف الكهربائى دا زبالة الزباله وهو السبب فى المشكلة عاوز نصيجتى هات اسبرتير جديد معلعهش حتصرف مهو لازم يكون معاك اسبير وركبة انتا بنفسك مش قصة يعنى وهرجلة الار بى ام من عدم انضباط الكهربا وعاوز اقولك الفليشيا بتتظبط 3 حاجات مع بعض فى نفس الجلسة كهربا وهوا وسلانسية مينفعش ميكانيكى يظبط هو وكهربائى يلع فى الاسبرتير انا سايبلك رسالة على الخاص اتفض اقراها **

المشاركة الأصلية كتبت بواسطة shayttoon

يعنى لازم اشترى اسبراتير ولا اصلح القديم
وكمان اظبط كربراتير ليه اذا كان كان مظبوط قبل ما يلعب الكهربائى

ولا حضرتك تقصد انى اغير الاسبراتير واظبط ئلى نيله بينيله الكهربائى والميكانيكى

انا باقصد تظبيط من مسمار الهوا فى جنب الكاربرتير ومسمار السلانسيى اللى فى قفا الاكاربرتير وتظبيط الاسبرتير بلفة سنة للامام او الخلف فى شروحات مصورة بتشرح العمليات دى ** مينفعش كهربائي يبعت لميكانيكى يظبط هو وبعديت ترجع للكهربائى يظبلطلك كهرب كدا انتا حتدوخ واحتمال ترمى العربي فى اقرب مقلب زباله ربنا ينتقم من الكهربائى والمفروض الميكانيكى فاهم النقطة دى اللى انا باتكلم فيها ***

المشاركة الأصلية كتبت بواسطة shayttoon

المصيبه الاكبر من داا كله ان العربيه مش بتدووور حاليا تماما المارش شغال وكل شى شغال لكن العربيه مش بتلقط مع العلم برضو ان الاسبراتير بقدر الفه بأيدى يمين وشمال برضو من غير اى استجابه

ازاى تلف الاسبرتير بايدك المفروض يكون ثابت يعنى لو الشاكوش بيلف معاك كدا يبقى الاسبرتير بايظ وعلى فكرة متحاولش تدورها لنها مش مظبوطة كهربا لازم تدور وواحد يمسك جسم الاسبرتير ويلفة من على القاعدة بتاعته الموضوع يحتاج لصور وصعب ابعتلك صور هنا****