الموضوع: مساعدة في اختيار سيارة جديدة

المشاركة الأصلية كتبت بواسطة جمال_احمد

طيب السؤال هل سوء التوكيل بيأثر علي جودة السيارة ولا لا
ثانيا بخصوص البروتون عموما هل فيهم مشاكل مؤثرة يعني تخليك نادم انك دفعت فلوس فعربية جديدة من بروتون

دى نقطة كويسة , عموما فى شبه قاعدة بتقول ماتشتريش عربية لسه نازلة جديد من توكيل سئ عشان لو طلع فيها حاجة او عيوب التوكيل هايبيعك او مش هايكون عارف ايه المشكلة, لكن لو عربية بقالها فترة واتعرفت مشاكلها او مافيهاش مشاكل جوهرية يبقى خلاص مافيش مشكلة من سوء التوكيل خاصة ان بقى فى مراكز صيانة معتمدة لمعظم التوكيلات وفى الغالب بيبقوا افضل من التوكيل نفسه .
البروتون مافهاش اى مشكلة مؤثرة خالص , العربية اعتماديتها عالية وبتستحمل بهدلة شوارعنا . هى هاتعجب الناس اللى بيهمها قوة اداء العربية و ثبات العربية وعوامل الامان , ومش هاتعجب الناس اللى بيهمهم نعومة العربية و الرفاهية و الكماليات الكتير .

أرشحلك السنترا وبقوة، هيا أفضلهم.. البرسونا صالونها ضيق لو بيفرق معاك وسع الصالون، لكن السنترا صالونها واسع..
ولو تقدر تزود الميزانية شوية يبقا عليك وعلى الفلوينس 2016
عربية اعتمادية بشكل كبير.