مساعدة في اختيار سيارة جديدة

**جمال_احمد** · 29-02-2016 01:13 PM

رجاء المساعدة ايهم الافضل من حيث قلة المشاكل وتوفر وسائل الامان وجودة التوكيل
بروتون برسونا اوتوماتيك
بوتون جين 2 اوتوماتيك
بيجو 301 هاي لاين
شيفرولية اوبترا هاي لاين
نيسان سنترا اوتوماتيك
بحيث السعر لايتعدي 150 الف

**megaarts** · 29-02-2016 01:17 PM

انصحك باسبعاد الاوبترا بسبب عدم الانتشار وانها سعرها غالي بالنسبه لانها عربيه صيني
انا شايف ان السنترا افضل عربيه منهم وممكن تدخل السيات توليدو في المقارنه بالنسبه للسعر الي انت محدده

**جمال_احمد** · 29-02-2016 01:25 PM

المشاركة الأصلية كتبت بواسطة megaarts

انصحك باسبعاد الاوبترا بسبب عدم الانتشار وانها سعرها غالي بالنسبه لانها عربيه صيني
انا شايف ان السنترا افضل عربيه منهم وممكن تدخل السيات توليدو في المقارنه بالنسبه للسعر الي انت محدده

طيب حضرتك بالنسبة للسنترا انا عجباني اصلا وواسعه جدا من جوه بس انا قلقان من مشاكل التوكيل فهل العربية فعلا كويسة ولا ايه ظروفها
ثانيا بخصوص التوليدو هل فيها اي مشاكل بتخص الحرارة ولا ايه

**amr011111** · 29-02-2016 01:42 PM

الاوبترا طلعها من المقارنه
بقية العربيات السنترا تعتبر فئه اعلى منهم
الجين تو والبيرسونا هما زى بعض الفرق فى الشكل

**megaarts** · 29-02-2016 02:31 PM

انا شايف ان السنترا عربيه ممتازه مقارنه بالاسعار الي بنشوفها اليومين دول وميزتها ان ليه 4 توكيلات مش وكيل واحد يعني لو في وكيل معجبكش عندك بدايل كتير
التوليدو بصراحه معرفش فيها مشكله في الحرارة ولا لا ممكن تسأل في قسم السيات هيفيدوك اكتر مني

**hanyyacot** · 29-02-2016 04:38 PM

كلهم يشتركوا فى سوء التوكيل , افضلهم السينترا ولكن عدم انتشارها و تقفيلها فى مصر نقطتين مقلقين , يجى بعدها الجين 2 / البيرسونا العربيتين كويسين ومافيش فيهم مشاكل وامان وثبات عاليين .

**أحمد عثمان** · 29-02-2016 08:22 PM

الحقيقة أنا حقولك على عربيتين مش موجودين في القائمة دي مش عارف ليه و لو إنهم من أفضل السيارات الموجودة على الساحة الآن.
1- شيفروليه كروز 2016 , فعلاً إبداع في الشكل و الفخامة و الأوبشنز و منتشرة و قطع غيارها متوفرة و مش غالية.
2- رينو ستيب واي , عربية رائعة و عالية عن الأرض و إحساس رائع وانت راكب فيها.
فكر في الاتنين دول عشان سعرهم ضمن الرينج اللي انت حاطه.
و فعلاً استبعد فوراً الأوبترا و البيجو لأن الاتنين صيني مش الأوبترا بس.
و لو البيجو داخلة دماغك أوي يبق إستبدلها بالسيتروين السي إليزيه , زيها بالضبط نقل مسطرة و كمان فرنساوي, و في تقرير أكثر من رائع عليها في قسو السيتروين.

**جمال_احمد** · 01-03-2016 07:02 AM

المشاركة الأصلية كتبت بواسطة hanyyacot

كلهم يشتركوا فى سوء التوكيل , افضلهم السينترا ولكن عدم انتشارها و تقفيلها فى مصر نقطتين مقلقين , يجى بعدها الجين 2 / البيرسونا العربيتين كويسين ومافيش فيهم مشاكل وامان وثبات عاليين .

طيب السؤال هل سوء التوكيل بيأثر علي جودة السيارة ولا لا
ثانيا بخصوص البروتون عموما هل فيهم مشاكل مؤثرة يعني تخليك نادم انك دفعت فلوس فعربية جديدة من بروتون

**جمال_احمد** · 01-03-2016 07:04 AM

المشاركة الأصلية كتبت بواسطة amr011111

الاوبترا طلعها من المقارنه
بقية العربيات السنترا تعتبر فئه اعلى منهم
الجين تو والبيرسونا هما زى بعض الفرق فى الشكل

طيب يعني السنترا افضلهم يعني من وجهة نظر حضرتك وهل فيه مشاكل مؤثرة في الجين تو او البيرسونا
يعني لو انت مكاني حضرتك ترشح ايه عربية تستاهل الفلوس اللي هتحطها وكمان متوجعش دماغك بيها لفترة لانها المفروض جديدة ومفيهاش مشاكل

**megaarts** · 01-03-2016 08:52 AM

احب اصحح معلومه البيجو 301 مش صيني دي فرنساوي تقفيل اسباني و السي اليزيه نسخه منها لكن الانتشار في صالح البيجو
لو عايز عربه اعتماديه واعاده البيع بتاعتها كويسه يبقي افضل اختيار ليك السنترا
البيرسونا او الجين تو فئه اقل من السنترا واهما عربيتين كويسين لكن اعاده البيع مش في صالحهم