تكييف جري.......Gree

**wawamoha** · 01-03-2016 03:34 PM

شكرا ي شباب عل نقل التجارب ................... الله يكرمكم جميعا

**just4cadbury** · 01-03-2016 04:18 PM

طب اسعاره ايه

**samyyousef** · 01-03-2016 05:48 PM

ياترى بيتباع فين؟؟؟ فيه رقم تليفون للموزع

**hazemhany** · 01-03-2016 07:05 PM

بخصوص فريون R410A
1- مش الطبيعي ان حضرتك تزود شحنة في جهازك الا لو الجهاز فيه تسريب فريون وده نادر لما بيحصل بعد فترة من التشغيل لأن لو فيه تسريب نتيجة عيب صناعة بيبان مع اول فترة تشغيل للجهاز يعني وهو لسه جديد

2- فعلا الكويل"السربنتينة" الخاص بالوحدة الخارجية بيبقي من نوع جديد اسمه Micro Channel وده عمره الافتراضي بالميت عشر سنين وهوا نفسه المستخدم في ردياتير العربيات كلها وفعلا هوا مفيهوش مواسير نحاس اطلاقا وكله المونيوم ،مميزاته انه حجمه صغير وتكلفته قليلة بالمقارنة بالكويل النحاسي اللي ليه نفس القدرة الحرارية،اما عيوبه انه لو حصل فيه تسريب مبيتصلحش بيترمي ويتجاب غيره

3-العالم كله راح لل R410A عشان صديق للبيئة وبيحقق كفاءة استهلاك طاقة عالية مقارنة با R22 وقريب اوي هتلاقي اغلب الاجهزة في مصر بالفريون ده عشانه يحققه كفاءة الطاقة المطلوبة

**wawamoha** · 01-03-2016 07:54 PM

المشاركة الأصلية كتبت بواسطة hazemhany

بخصوص فريون r410a
1- مش الطبيعي ان حضرتك تزود شحنة في جهازك الا لو الجهاز فيه تسريب فريون وده نادر لما بيحصل بعد فترة من التشغيل لأن لو فيه تسريب نتيجة عيب صناعة بيبان مع اول فترة تشغيل للجهاز يعني وهو لسه جديد

2- فعلا الكويل"السربنتينة" الخاص بالوحدة الخارجية بيبقي من نوع جديد اسمه micro channel وده عمره الافتراضي بالميت عشر سنين وهوا نفسه المستخدم في ردياتير العربيات كلها وفعلا هوا مفيهوش مواسير نحاس اطلاقا وكله المونيوم ،مميزاته انه حجمه صغير وتكلفته قليلة بالمقارنة بالكويل النحاسي اللي ليه نفس القدرة الحرارية،اما عيوبه انه لو حصل فيه تسريب مبيتصلحش بيترمي ويتجاب غيره

3-العالم كله راح لل r410a عشان صديق للبيئة وبيحقق كفاءة استهلاك طاقة عالية مقارنة با r22 وقريب اوي هتلاقي اغلب الاجهزة في مصر بالفريون ده عشانه يحققه كفاءة الطاقة المطلوبة

شكرا يا استاذ حازم مره تانيه .............

بس سؤال تاني:
2- يعني انه الاحسن ؟؟؟ الكويل النحاس ؟؟ و للا الكويل الالومنيوم ؟؟
3- يعني r22 استهلاكه في الكهرباء اعلى ؟؟ و للا مش للدرجة دي؟؟

شكرا

**wawamoha** · 01-03-2016 07:57 PM

المشاركة الأصلية كتبت بواسطة just4cadbury

طب اسعاره ايه

ال 1.5 حصان بارد فقط ب 3900

**wawamoha** · 01-03-2016 07:59 PM

المشاركة الأصلية كتبت بواسطة samyyousef

ياترى بيتباع فين؟؟؟ فيه رقم تليفون للموزع

انا ليا اصدقاء مقربين بيتعاملوا مع الاستاذ \ رضا عبد الله

شركته في المهندسين
01096514941

ربنا يوفقنا جميعا

**just4cadbury** · 02-03-2016 02:35 PM

wawamoha ده سعره قريب من الشارب

استاذ حازم hazemhany راي حضرتك الفني شارب ولا جري

**wawamoha** · 02-03-2016 11:24 PM

المشاركة الأصلية كتبت بواسطة just4cadbury

wawamoha ده سعره قريب من الشارب

استاذ حازم hazemhany راي حضرتك الفني شارب ولا جري

الشارب ب 4400 في بي تك ... و مش موجود و ياعالم هاينزل امتى و ياعالم هاينزل بكام

انا حجزته و قالولي ممكن بعد شهر - شهرين

لو لقيته عند اي حد ابقى قوللي علشان اخويا عاوز يركب واحد

**Mu7ammeD** · 02-03-2016 11:48 PM

مش فاهم ليه الناس تسيب أكبر شركات تكييف زي كارير وتتجه لماركات حديثه في المجال لتجربتها؟!

مفيش مقارنه أصلا خصوصا في قطع الغيار ، الصيانه ، خدمة ما بعد البيع .. الخ