احذروا سرقة اللانسر بالذات

**onsi** · 19-09-2008 10:31 PM

حد يعرف حل يا جماعة للموضوع دة
من اسبوع نزلت اوصل بنتى للحضانة وبعدين رايح على الشغل لقيت سواق الحضانة بيقوللى الحق يا باشا الكاوتش نايم، قلت عادى يمكن ريحت او اتخرمت قدر الله
لكن ببص لقيت الفردة اللى ورا كمان نايمة قلت اااااااااااة دى بقة مقصودة ومشكلة على الصبح والواحد صايم الله يلعن ابن الحرام اللى عملها
المهم غيرت هدوم الشغل عشان اعرف اغير الكاوتش وشغلانة، ياترى لو مكانى انت هتعمل اية؟
المهم بالصدفة لقيت عربية جارى ركنة كلمتة عالموبايل وطبعا كان نايم وقلتلة ما عندكش كومبريسور وشرحتلة وقالى انا جايلك قلت الحمد للة نجدة من السماء
والسؤال هنا نعمل اية فى الحالات دى؟؟ ولو المؤذى دة عملها فى الاربع عجلات نعمل اية؟؟؟
انا كنت مركب بلف نيكل بدل العادى لكن ماعتقدش ان دة السبب الا لو كان فاكر ان البلف فضة !!! فقام سرق الاربع بلف النيكل وريح عجلتين على الارض؟!
انا سمعت ان فى بلف بمفتاح زى القفل يعنى لكن موجود فين؟؟؟؟ او حتى الطاسة بالكامل بقفل زى الموجودة فى الميجان بس تركب فى اللانسر.............اية الحل؟؟؟

**حلواني** · 26-09-2008 01:53 PM

وبعدين بقى
ايه احسن طريقة؟
انا معروض عليا لانسر 2007 كاملة و ما عنديش جراج
يعني ح اركنها في الشارع
اصرف نظر بقى؟
:(

**mohmousa** · 05-10-2008 03:31 PM

السلام عليكم و رحمة الله و بركاته
أنا عندي فكرة جديدة خاااااااااااااااااااااااا ااااااااااالص
إنت تجيب مبوايل قديم و تركب فيه خط بإسمك و وتوصله علي شاحن ببطارية العربية و تسيبه في مكان مخفي و ليكن تحت الكرسي و تقفل صوت الجرسو كل فترة تعمل فحص للبطارية بتاعته و تتاكد إنه شغال و تحاول تتصل بيه و تتأكد إن الخط مافهوش مشكلة
و لا قدر الله لو العربية إتسرقت تقدر من خلال المباحث و شركة التليفونات تحدد مكان السيارة إن شاء الله و ترجعها قبل ما يقطعوها حتت
طبعا الفكرة دي عملوها دلوقتي في السيارات الغالية بس برضه عربيتنا تعتبر بالنسبة لينا غالية قوي

**د./اليشع ثابت** · 11-11-2008 09:57 AM

المشاركة الأصلية كتبت بواسطة hegazy

الثغرة في الثقة الزائدة في المفتاح الكمبيوتر....
وناس كتير بتسيب رخصها في الشماسة.. ممكن اوي يسرق على مرتين... مرة يعرف الرقم ومرة يسرق... وممكن او الي واقف وراك في طابور المرور وانت بترخص يلقط رقم الشاسية والعنوان كمان...
وكمان علشان تشتري لانسر دلوقت ان بتخلي البياع يطلعلك ورق الفسح الجمركي ويعملك التأمين وممكن يعملك ضمان كمان... لاحظ ان في اطراف كتيرة جدا تعرف رقم الشاسية والعنوان بطرق شرعية... واكيد ما خفي كان أعظم.

يا جماعة ماهو اساسا رقم الشاسية بالنسبة للانسر الخليجى مكتوب على

قطعة بلاستيك و ملصقة امامك على التابلوة فى واجهة السيارة تماما

تحديدااامام عجلة القيادة يعنى ممكن تظهر من الزجاج الامامى ودة فعلا اعتقد

فى الخليجى بس وبكدة يبقى الاخوة ممكون يلصقوا عليها اى ورقة لاصقة

تدارى هذا الرقم لو فعلا نسخة المفتاح ممكن تطلع برقم الشاسية

وشكراااااااا لكم

**khaled_hasseb** · 23-11-2008 03:48 PM

مششششششششششششششكور

**nasr-eldeen** · 23-11-2008 07:34 PM

يا إخواني البشمهندس طارق إستشاري ميتسوبيشي رد على هذه الإشاعة

المشاركة الأصلية كتبت بواسطة onsi

سؤال مهم:-
هل مفتاح اللانسر المشفر بيطلع برقم شاسية العربية؟
سؤال تانى , يعنى لو اى حد شاف رقم شاسية اى عربية ممكن يطلع مفتاح؟
ولو الاجابة بنعم زى ما انا اعتقد اية الحل عشان دى تبقى مصيبة خاصة ان العربيات الخليجى كلها رقم شاسيها واضح امام الجميع.
وشكرا

المشاركة الأصلية كتبت بواسطة مصراوي جدا

سؤال مهم جدا طبعا لكن اطمن يا استاذ أنسي .. الاجابة قاطعة لأ

الموضوع بوضوح وبساطة كالتالي :

لما تيجي حضرتك عاوز تطلع مفتاح مشفر تاني للعربية لايمكن عمل مفتاح بنفس الشفرة الآولى ولكن نقول لك احضر المفاتيح القديمة لأنه بيتكون كود جديد او شفرة جديدة يتم اعطاءها للمفاتيح الثلاثة ولجهاز الايموبيليزر

وبذلك لو كان فيه مفتاح ضاع بنقول لك احضر المفتاح القديم وسيتم تشفيره مع المفتاح الجديد بشفرة جديدة وبذلك فالمفتاح الضائع ممكن ان يفتح الأبواب لكن لن يستطيع تدوير المحرك لأن الشفرة تغيرت

وطبعا حل ان المفتاح الضائع لا يفتح الابواب كمان ان الكوالين تتغير

نقطة مهمة كمان للحماية والأمن

ان لازم اللي يعمل الموضوع ده صاحب العربية شخصيا اللي اسمه في الرخصة او من معه توكيل رسمي منه

وكذلك لو العربية عليها حظر بيع من بنك لازم تجيب خطاب موافقة من البنك بعمل مفتاح اضافي

المشاركة الأصلية كتبت بواسطة onsi

عفوا استاذ طارق انا قصدى الحرامى لما يشوف رقم الشاسية سواء شافة على الرخصة او على طابلوة العربيات الخليجى, مش لو ضاع منى وطبعا حضرتك عارف ان دلوقتى فى اماكن كتير ممكن تطلع مفتاح بسهولة حتى من غير ما تتأكد من شخصية مالك العربية ودة طبعا عشان الفلوس, فهل فى الحالة دى ممكن يسرق العربية.... يعنى مثلا لو موظف الترخيص لو شاف رقم الشاسية ومعاة العنوان من الاوراق ممكن بسهولة يروح يعمل مفتاح ويجى على عنوانى بسهولة ويسرقها! انا مش فاهم ياريت تطمنى وتطمن كل اللانسراوية عشان دة فعلا موضوع مهم جدا.

المشاركة الأصلية كتبت بواسطة مصراوي جدا

لأ يا استاذ انسي رقم الشاسيه ليس له اي علاقة بالموضوع ده .. وزي ما قلت لحضرتك ان الشفرة القديمة لا يمكن تكرارها لأنها عشوائية وبالتالي اللي بيتم هو تكوين شفرة جديدة يتم تسجيلها على كل المفاتيح وعلى وحدة الايموبيليزر علشان يحسوا ببعض

هو ده اللي بيحصل في التوكيل واعتقد هو اللي بيحصل في محلات المفاتيح اللي بتعمل مفاتيح مشفرة (حتى لو مش بتاخد اثباتات من العميل انه صاحب العربية) وممكن تتصل بمحل المفاتيح اللي موجود في منتدى( خدمات نايل موتورز للأعضاء ) اللي بيعمل خصم للأعضاء وتقول له : هل ينفع اعمل نسخة مفتاح اضافي لمفتاح مشفر معايا من غير ما تكون العربية موجودة (أو من رقم الشاسيه).

اعتقد الاجابة هتكون : لأ مينفعش لازم تجيب العربية علشان هنعيد تشفير العربية مع المفاتيح كلها بنفس الشفرة

الموضوع اهو :
http://www.nilemotors.net/Nile/showthread.php?t=24919

وهنا كريم بيشرح اللي بيتم وهتلاقيه زي ما قلت لك كده لازم العربية تكون موجودة مينفعش من غيرها واكيد لازم يتأكد انك صاحبها

karim_monir
اولا انا مش بكود ومش انا اللي صاحب المحل
اما عن التكويد فانا جربتة فعلا على عربيتي وناجح جدا
جاب مفتاح وعمل العارد كوبي على المكنة وجاب المفتاح الاصلي حطة ف يالكونتاكت عندي وحط الجهاز الموضح بالصورة في في فيشة علبة الفيوزات عندي واتسجل علية الشفرة وشال المفتاح الاصلي وحط المصطنع وكتب علية الشفرة المفتاح دور العربية بكل سهولة
ادي الحكاية والصورة للتوضيح اثناء ما كان شغال

http://www.nilemotors.net/Nile/newre...reply&p=504846

**hossameid** · 04-12-2008 09:36 PM

يا جماعة كل الانسر ال 1300 لايوجد فبها immobilizer و عشان كدا كل اللى بيتسرقوا 1300 مش 1600, والوضوع ده يخلى اى واحد حيشترى عربية يفضل اللى فيها immobilizer ,انا اعرف واحد اشترا لانسر 1300 زيرو وبعد كام اسبوع اتسقت من تحت بيته

**re3ooo** · 13-12-2008 05:18 PM

انا معنديش عربية بس عندي فكرة حطولها رزة وقفل

**ouba2** · 13-12-2008 11:06 PM

معاك حق فعلا موضوع اللانسر بالذات سمعته اكتر من مره

**kimoboy** · 21-12-2008 06:50 PM

I think the best and cheapest method is to install car alarm and put like 2 loud sirens and make it the motion detection sensitive so once the thief tries to open the door the alarm will sound and it will be loud,, so he will get scared and run away and if you want it more louder install it to the horn.

الموضوع: احذروا سرقة اللانسر بالذات

LinkBack

أدوات الموضوع

عرض

-

-

-

-

-

المواضيع المتشابهه

:: احذروا هذا النصاب فى سرقة السيارات ارجو التثبيت للخطورة ::

:: احذروا هذا النصاب فى سرقة السيارات ارجو التثبيت للخطورة ::

احذروا - أسلوب سرقة جديد في محطة بنزين مش عارف حد قابله ولا لأ

بحث في معرفة أسباب سرقة اللانسر

احذروا من سرقة بطاريات السيارات

الكلمات الدلالية لهذا الموضوع

المفضلات

المفضلات

ضوابط المشاركة