الموضوع: الصيف والتكييف

المشاركة الأصلية كتبت بواسطة mecha

الغاء السخن عن طريق لغي خرطومين مبة التبريد اللي داخلين في السدر ، الناس بتعملها عشان خلل في بلف السخن بيسمح بدخول الميه للسخان وقت تشغيل التكييف وطبعا واضح لو الجو برد مفيش سخن

الفاكيوم ، دي طرمبه بتستعمل لسحب كل الفريون القديم خصوصا لما بيتلوث بالزيت والشواءب ، في حالتك مظنش هتحتاجه لان التكييف كان كويس
تسريب الفريون هو السبب الرءيس وبيحصل بسبب الاورنجات والجوانات بتهرب وللاسف الصنايعي بيحل خرطوم ويكسل تغيير اورنج بملاليم او رباط ضعيف
تحياتي

يا اخي ربنا يكرمك ويعزك بالإيمان انا كدة هروح للراجل بتاع التكييف وأنا فاهم انا بشكرك
أفضل أعضاء من أجمل منتدى وساكتب النتيجة لاستفادة باقى الاعضاء أول ما عمله
تقبل تحياتي

تم الذهاب الى ورشة التكييفات وعمل الفحص بعد الفاكيوم كما اوصى الاخوة الاعضاء واكتشاف مكان التسريب ..كان في الكمبروسر ذاته وتم عمل صيانة ومجموعة اصلاح وتغيير جوانات للكمبروسر والشحن بعد ذلك والنتيجة طيبة
هذا للاستفادة ولكم جزيل الشكر
وكانت تكلفة العملية كلها بالشحن 250 جنيه