السلام عليكم اخوتى الافاضل
موضوع حبيت اخد رأى الجميع فيه ...
باختصار .. اشتريت قاشقاى فى 4/2012 .. بعد استلام السيارة ب 4 ايام لقيت تحتها زيت .. و باختصار اتهتك عرضها فى اوتوايجيبت .. عربية عاملة 300 كم يتفك موتور و فتيس و تكييف و مارش و دينامو و دورة التبريد ... عشان اويل سيل الكرنك الخلفى مخروم ... قبلت بقضاء ربنا و حاولت اتناسى الموضوع ... و الموضوع مشروح باستفاضة سابقا لو حد حابب يفهم ..
المهم انا معايا شهادة من نيسان بان ضمان عربيتى 4 سنوات بدل 3 .. او 125 الف كيلو بدل 100 الف ... القصة ان نيسان عشان تتستر على الفضيحة الزمتنى بمركز خدمة واحد فقط مذكور فى الشهادة .. و طبعا انا اخترت اوتوايجيبت ....
منذ اكثر من سنة و انا حاسس ان هناك خلل فى اداء الفتيس و مع كل صيانة اشتكى و يقولو زى الفل مافيش مشاكل ... و اكتر من مرة ما يرضوش يدونى تقرير بان الفتيس سليم ...
فاضل شهر فى ضمان السيارة و الفتيس بقى فيه مشكلة كبيرة و عملت شكوى لنيسان 16244 اللى بيرد عليا عامل زى البغبغان حافظ مش فاهم ... بيقولى ما وديتش العربية عند مركز تانى ليه ... قولتله ان ضمان العربية يعتبر منتهى عند اى حد غير اوتوايجيبت ... و طلبت ان مهندس من مصنع نيسان يتكرم بفحص السيارة بنفسه او يرافقنى لفحصها فى اوتوايجيبت ... و بقالى خمس ايام مستنى يتكرمو و يردو مع انه قالى خلال يومين حد حيفحص الشكوى ... حد ممكن يساعدنى فى المشكلة دى ؟؟؟
العربية عاملة 34000كم فقط و لما بكون ماشى بطيء و ابداء اتسارع بالسيارة و بهدوء مش تسارع عالى يعنى .. الاقى صوت كركرة و ارتجاج لمدة ثانيتين و بدون سحب نهائيا و بعد كده العربية تبدأ تستجيب و تسحب عادى ...
فى اعتقادى ان العيب ده ناتج عن تلف بالسير بتاع cvt يعنى ممكن يكون فيه سنة او مجموعة اسنان تالفة او يكون البكر بتاع الcvt حصل فيه نوع من التآكل فالسير بيتزحلق و يعمل الصوت ده ...
الله يكرمكم لو حد عنده اى معلومة او تجربة مشابهة يقولى او اتصرف ازاى
شكرا و اسف للاطالة