اتمنى ان تكون افاتدك
اتمنى ان تكون افاتدك
افضل زيت موجود حاليا توتال 20/50 3000ك بيتغير على 2000 ك بس الاهم من نوعية الزيت انك تغير الزيت فى بنزينة موثوق فيها مش عند محلات تغيير الزيوت علشان اغلبهم بيضرب الزيت ويخلطة مع سولار وزيت معالج وجركن زيت مضروب واحد كفاية قوى يبوظ موتور ويفوته من اول 500 ك وربنا يسترها معانا !!
عزيزي أستاذ ahmed.biso13
الحقيقة لقيت في كلام حضرتك حاجات كتير من الأساطير المتداولة عن الزيوت .. وللأسف الأساطير دي كلها غير صحيحة تماما.
اسمحلي أوضح لحضرتك بعض النقط اللي لازم تحطها قدامك وانت بتختار زيت العربية..
أولا وقبل أي شيء... لازم نتفق على شوية حاجات...
عايز أسألك... مين أكتر واحد يفهم إيه المطلوب للموتور؟؟؟ معلش.. هجاوب بالنيابة عنك..
الإجابة... أحسن واحد يعرف الموتور ويعرف إيه المطلوب ليها هو اللي صنعه...
ليه؟؟؟
لإن الراجل ده حط التصميم بتاعه واختار المواد اللي هيصنع منه الموتور بناء على معلومات محددة محدش مننا إحنا يا مستخدمين (سواء هنا في مصر أو حتى في إيطاليا) عنده فكره عنها... حتى لو كان واخد دكتوراه في الهندسة.
دي أسرار صناعة.
والراجل اللي عمل الموتور ده اختار نوع زيت محدد يمشي مع موتوره بناء على عوامل كتير.. منها حاجة إسمها معدل سريان الزيت في الموتور وسمك طبقة الزيت الكافية للحفاظ على أجزاء الموتور من الاحتكاك وأنواع الزيت المتاحة في السوق.
وبعد ما اختار الزيت نظريا.. جرب الزيت ده في الموتور.. ومش موتور واحد... إنما مواتير كتير علشان يتأكد إن اللي اختاره ده صح.. ولو كان اختياره غير صحيح .. هيختار نوع تاني ويجرب تاني.
ملخص التجارب دي كلها صانع الموتور بيحطهالك في شكل مواصفات زيت لازم تحطه في موتورك... وأي نوع تاني هيكون له أثر سلبي..
يعني إيه أثر سلبي؟؟
يعني موتور بيتاكل بسرعة.. عمره قصير.. أويلسيلات بتسرب.. زيت بينقص...
المشكلة الكبيرة بقى.. إن كل صانع موتور عمل تصميم واختار مواد معدنية صنع منها الموتور وواختار زيوت معينة .. وكل الصانعين مختلفين عن بعض... فما ينفعش أحط زيت مخصوص لموتور في موتور تاني.
علشان كده ما ينفعش تحط حاجة من دماغك .. لو عايز تحافظ على موتور عربيتك.. اسمع كلام اللي صنع الموتور... مش أي حد تاني...
ولا بالتجارب.. ولا بالنصايح...
أرجو إنك تدخل على الموضوع ده.. فيه خلاصة المعلومات عن زيوت المحركات بجميع أنواعها
http://www.nilemotors.net/Nile/341680-a.html
...
نيجي بقى للردود اللي حضرتك قلتها.. واسمحلي أرد عليها واحد واحد.
موضوع استخدام زيت تقيل في عربية طالبة زيت أخف من أخطر الأخطاء اللي ممكن تعمل مع موتورك..اقتباس:
المشاركة الأصلية كتبت بواسطة ahmed.biso13
الزيت التقيل معناه إنه بيمشي بالراحة.. يعني لو عايز الزيت يوصل للتاكيهات في وش السلندر فالزيت التقيل هياخد فترة أطول من الزيت الخفيف .. وتلاقي الحديد عمال ياكل في بعضه لحد ما الزيت يوصل.
الزيت الأخف من اللازم هيبقى بالعكس... هيوصل بسرعة.. بس مشكلته إنه مش هيعمل طبقة زيت كافية للحماية..
يبقى الحل إيه؟؟؟
ولا تقيل ولا خفيف... زيت الكتالوج هو الصح.
بالنسبة لمسألة التبخر...
فالحقيقة مفيش حاجة اسمها زيت بيتبخر زي ما حضرتك فاهم... الزيت ماهواش سبرتو بيطير... بالعكس.. الزيوت كلها من أكتر المواد اللي مش بتتبخر أصلا.
أمال الزيت بينقص ليه؟؟؟
ادخل على الموضوع ده.. فيه المفيد.
http://www.nilemotors.net/Nile/418186-a.html
معلش ياريت توضح أكتر.. حضرتك قصدك أنهي زيت أحسن.. الزيت اللي بينزل فيه رواسب كتير ولا قليل؟؟اقتباس:
المشاركة الأصلية كتبت بواسطة ahmed.biso13
اقتباس:
المشاركة الأصلية كتبت بواسطة ahmed.biso13
أكبر غلط إنك تستخدم زيت مخصص للمواتير اللي بتشتغل بالديزل (السولار) في مواتير بتشتغل بالبنزين... ولو عرفت إيه الفرق ما بينهم هتعرف إنها مصيبة كبيرة.
يا ريت تدخل على الموضوع ده.. فيه المفيد في الحتة دي.
http://www.nilemotors.net/Nile/34168...post3874869463
والليونة اللي حضرتك قصدك عليها دي بتبقى جاية من اللزوجة بتاعت الزيت + الإضافات اللي عليه.
على فكرة... الجاز يعتبر مزيل للدهون والشحوم... فشيء طبيعي إنك تحس بالملمس الخشن لإن الزيوت اللي في صوابعك أصلا دابت وما بقتش موجودة.
المشكلة الأكبر.. إن الحكم على أداء الزيت مش بيبقى كده خالص...
الزيت بيشتغل على درجة حرارة 90-100... وأداء الزيت ومقاوته للاحتكاك بتتقاس في الحرارة دي... وأكيد مش بتتقاس بالصوابع.
يا ريت تدخل على الموضوع ده علشان تعرف الفرق بين درجات اللزوجة.. وإيه معنى الأرقام المكتوبة على علبة الزيت.
http://www.nilemotors.net/Nile/481878-a.html
شوفت؟؟؟اقتباس:
المشاركة الأصلية كتبت بواسطة ahmed.biso13
أديك اتعلمت في عربية.. يعني خسرتها.. في حين إنك ممكن قوي توفر فلوسك دي كلها بمجرد قراية سطرين في الكتالوج.
مش مختلف معاك.. بس التجارب في السوائل والزيوت في العربيات والمكن عموما ليها آثار مدمرة.. ممكن قوي تخلي الموتور يروح منك خالص..اقتباس:
المشاركة الأصلية كتبت بواسطة ahmed.biso13
الزيت في المكنة عامل زي الدم في الإنسان... لما إنسان بيبقى عايز دم في عملية أو حادثة لا قدر الله.. ينفع تحط دم من فصيلة تانية؟؟؟؟ ولا مش فارقة.. ماهو كله دم وخلاص؟؟؟؟
مؤكد حضرتك أفادتني.اقتباس:
المشاركة الأصلية كتبت بواسطة ahmed.biso13
...
ياأهل الخبره سلك البوجيهات فى ال 128 عندى مركبه سلك فحم من حوالى 4 سنين اعرف ازاى انه عايز يتغير؟ وعمره الافتراضى بيتحسب ازاى
ولكم جزيل الشكر