الموضوع: تنظيف جميع الدورات في العربيه زيت و فتيس و بنزين و تبريد

سلام عليكم
محتاج احسن طريقه لتنضيف كافه الدورات ف العربيه الكورولا 2004 اوتوماتيك 1300 سي سي عاوز انضف دوره الزيت و سمعت عن الflush بس ناس بتقول دا اشتغاله تفتكرو اجيبه منين عشان يبقي مضمون
و ايه انسب طريقه لتنضيف دوره البنزين مع العلم انا جايب فلتر جديد و لسه ما ركبتوش الا لما اسالكم الاول
بالنسبه لدوره التبريد انا جايب راديتير جديد و سربنتينه كمان جديد تفتكرو احط مايه ايه يا شباب حمرا ول ا خضرا
و جبت كمان طقم بوجيهات بصراحه عاوز ارجع العربيه لعافيتها تاني رجعت و قريت الكتالوج لقيت انسب زيت للمحرك هو 5w30 بس مش عارف اجيب ماركه ايه و انضف الماتور ازاى
بالنسبه للفتيس هو مفيش طريقه لتنضيفه هو كمان انا مش عارف انا عندى فلتر الفتيس شكله ايه او بيتغير او لا ممكن تنصحوني اعمل ايه في كل حاجه و اجيب الحاجات دى منين من مكان مضمون يكون قريب من طنطا و يا تري فيه حاجات تانيه ممكن نعملها ترجع عافيه العربيه
نسيت اقولكم هي ماشيه فوق ال150 الف كم تقريبا هههههههههه اخوكم بيسافر كتير بقي معلشي
هو زيت الفتيس دا بيبقي ماركات و لا هو زيت واحد بتاع تويوتا دا ال4 لتر تقريبا ب250 جنيه مش فاكر و يا تري الفلتر دا بيتغير و لا بيتنضف بس
افيدونا بقي عشان ادعيلكم كلكم ربنا يكرمكم عاوز العربيه تبقي فلللللللللله علي ايدكم يا باشمهندسين

بالنسبه للبوجيهات انا جايب بوجيهات ngk الياباني دي واحد شمعه تفتكرو حلوه و لا اجيب حاجه 3 شمعه افيدونا الله يكفيكم شر العربيات يا قوم

احب اشكر حضرتك ع الرد انا فعلا اشتريت فلتر هوا جديد و كمان الرديتير بجاي بمروحه جديده و باذن الله هاروح اشتري تلاجه مكيف لانها بايظه عندي و كمان فلتر جديد للمكيف و هاشتري السيور بس انا بحاول اقرا ف الكتالوج مش عارف اصلا دا الكتالوج بتاعها و لا لا و مش لاقي فيه معلومات عن نوعيه زيت الفتيس و لا حتي عن ميعاد تغييره يمكن انا مش شايف كويس بس انا مش قريت معلومات عنه بالنسبه لزيت المحرك انا كنت بحط موبيل 1 اللي هو 0w50 وطبعا ما كنتش اعرف عنه اي حاجه غير ان ناس كتير بتشكر فيه و كنت بغيره كل 5000 كيلو و كان بينزل نضيف لحد ما جربت زيت تويوتا اللي بيبقي ف صفايح ده كان جاي من السعوديه و نزلته بعد 3000 كيلو و نزل اسوووود خالص الموصوع ده بقاله يجي سنه ودا اللي خلاني اسال علي موضوع الزيت و ادور علي طريقه انضف الماتور قبل ما اغير الزيت تاني لاني ما كنتش اعرف اي حاجه عن زيوت المحركات و لا عن نضافتها بس الزيت اللي مكتوب ف الكتالوج يعتبر خفيف اوى بالنسبه للي كنت بحطه و عشان كده عرفت ليه الزيت الموبيل كان بينزل نضيف لان اصلا ما كانش بيدخل ف كل حته ف الماتور من تقل (دا اللي فهمته من المنتدي هنا يا رب يكون صح )
هستاذن حضرتك توضحلي ليه حضرتك مش بتنصح بالفلش و بتنصح اني اغير الزيت و بعدين اشيله عشان بس افهم مش اكتر بعد اذنك

نسيت اقول
انا جبت بطاريه جديده كمان و ان شاء الله هاجيب طقم جنوط 15 و بردو محتار اجيب ايه و الكاوتش عندي جديد يادوب مشي 5000 كيلو او حاجه كده و كنت مغير طنابير قدام اصليين جداد و غيرت تيل ورا و قدام من التوكيل بعد ما جبت الكاوتش

اخيرا لقيتهم ف الكتالوج ههههههههههه
البوجيهات denso sk16r11 او ngk 1fr5a11
زيت المحرك 5w30 SL و لو مش موجود يبقي 10w30 و الغيار اللي بعد تحط 5w30 و الله مكتوب كده ههههههههههه
الفتيس الاتوماتيك ATF Type-1v
steering DEXRON 2 OR 3
BRAKES FMVSS No116 DOT3 OR SAE J1703
CLUTCH زى الفرامل الظبط و دى مش فاهمها
تفتكرو بقي اجيب الحاجات دى منين بنفس المواصفات

- غسيل الموتور
عن طريق زيت احادي الدرجة(لتوفير) او ثنائي الافضل نفس مواصفات الزيت ووضع منظف الفلاش معاه ولكن للاحتياط ضع ربع الكمية وشغل الموتور خمس دقائق فقط ولا تطبق التعليمات المكتوبة بربع ساعه تشغيل
- الفتيس
يجب التغيير نفس المواصفات ولكن بنوعيات احسن الكيلو منها ب 90 جنيه او يزيد
وتوجد طرق في مواضيعنا لتنظيف دورة الفتيس ولكن تحتاج الخبرة والدراسة
- زيت الموتور الموصي به sl رمز الخدمة لانها 2004 وهذا اقل رمز مطلوب لامانع من وضع نفس اللزوجة ولكن sm او sn
- تنظيف الدورات المنتدي به ما يكفي من المعلومات منعا لتكرار
وصلي اللهم وسلم وبارك على سيدنا محمد وعلى آله وصحبه أجمعين

المشاركة الأصلية كتبت بواسطة عبدالله برعى

- غسيل الموتور
عن طريق زيت احادي الدرجة(لتوفير) او ثنائي الافضل نفس مواصفات الزيت ووضع منظف الفلاش معاه ولكن للاحتياط ضع ربع الكمية وشغل الموتور خمس دقائق فقط ولا تطبق التعليمات المكتوبة بربع ساعه تشغيل
- الفتيس
يجب التغيير نفس المواصفات ولكن بنوعيات احسن الكيلو منها ب 90 جنيه او يزيد
وتوجد طرق في مواضيعنا لتنظيف دورة الفتيس ولكن تحتاج الخبرة والدراسة
- زيت الموتور الموصي به sl رمز الخدمة لانها 2004 وهذا اقل رمز مطلوب لامانع من وضع نفس اللزوجة ولكن sm او sn
- تنظيف الدورات المنتدي به ما يكفي من المعلومات منعا لتكرار
وصلي اللهم وسلم وبارك على سيدنا محمد وعلى آله وصحبه أجمعين

ربع الكميه ؟ مش قليل دا حضرتك انا سمعت انه بيتحط ع الغيار القديم زي ما هو و نشغل العربيه من ٥-١٠ دقايق و بعدين نفتح الطبه و ننزله و ان ممكن لزياده الامان نحط لتر زيت رخيص عشان يسحب بواقي الفلاش و بعدين نقفل الطبه و نحط الزيت الجديد و الفلتر انا بس مستغرب ان ربع الزيت دا كده هايبقي تركيز الفلاش عالي جدا و كمان حراره الماتور هاتزيد و ممكن حساس الزيت يجراله حاجه لان ضغط الزيت كده هايبقي قليل جدا
اعذرني انا بس بستفهم مش قصدي اعدل ف كلام حضرتك بس احنا بنتناقش مش اكتر

الف شكر لردود حضراتكم
انا فتحت غطا الزيت بتاع المكنه و بسم الله ما شاء تحته كميه وساخه و سواد عجيبه جدا كان نفسي ارفع الصور مش عارف
تفتكرو نعمل موضوع الزيت و لا القلش هيبقي ف الحاله دي احسن لان تحت الغطا وساخه زي الطين كده لدرجه اني مش شايف اصلا لو غير الاسود و البني المحروق تحت الغطا