الموضوع: زى توقعاتى بالضبط , المركزى اليوم يخفض سعر الجنيه 112 قرش دفعة واحدة

المشاركة الأصلية كتبت بواسطة ali ashraf

موافق 100% و كمان الاصلاح الاقتصادى عايز اصلاح سياسى , مش معقول نشتم ناس الصبح و نقول عليهم متآمرين علينا و بعدين نطلب منهم الظهر استثمارات و تشجيع للسياحة , الدولة من الواضح ينقصها الرؤية السياسية الواضحة , النهضة الكورية و الصينية و الماليزية ابتدت برؤية سياسية و العمل على تطبيقها و الان المغرب تخطو حثيثا برؤية سياسية واضحة

مع اتفاقى فى الرأى مع حضرتك .... حاسس ان البعض حيتهمك بالعمالة و التواطئ و الخيانة و القبض من جهات معادية ..... و انك انت الى اكلت الجبنة

الكلام بيكون ليه اثر لغاية حد معين .... و بعد كدة الكلام ملهوش لازمة .... ادينا بنتفرج على طالب عمال يلعب طول السنة و بيدور على حجج يقنع بيها نفسه و يقنع الى حواليه انه كويس .. و انه حينجح .. و انه حيتفوق .. و هو بيتنطط هنا و هناك مابيعملش الحاجة الى مفروض يعملها ..... انه يذاكر

انا مليش دعوة بالكلام الكبير الى الناس بتقوله عن الاقتصاد ... و جابوا مدير ... و شالوا القديم ...

انا ليا دعوة بظروف المعيشة الطبيعية الى المفروض تكون عادية و عادلة

الاسعار مع الدخل ..... اسعار الخدمات مع الخدمة المقدمة بالفعل ... الاخلاق و ازدهارها او انحدارها ...
ايه الخطوات الى اتخذتها الحكومة بايجابية ناحية حاجة واحدة ؟؟؟؟؟؟
ربنا يتغمدنا برحمته