استفسار بخصوص جنوط وكاوتش لانوس

**dentmostafa** · 14-03-2016 10:59 PM

السلام عليكم . دي اول مشاركة ليا في المنتدى . بس صراحه انا متابع نايل موتورز من فتره بس كنت لسه مشترتش عربيه اصلا ههه. بس الحمد لله ربنا رزقني بعربيه لانوس ويمكن تكون فرصه كويسه اني اتعرف على رجالة قسم اللانوس . احب اعرفكم بنفسي . اخوكم مصطفى ياسين . طب اسنان . ان شاء الله فاضلي سنة واخلص . ساكن في اكتوبر .
معلش صدعتكم بالرغي ده كلو ..
طبعا قريت التعديل بتاع فرامل اللانوس و احب اشكر كل الاخوه اللي شرحوه و بالاخص صاحب الفكره الاخ م ممدوح .
ناوي ان شاء الله ابدا باول خطوه وهي الجنط ال 14 . طبعا حاشتري بتوع نوبيرا الميزانية متسمحش باكتر من كده صراحه.

نيجي للسؤال مقاس الكاوتش مكتوب في التعديل انه 185/60 وده على حسب ما حسبته لقيته حيكون نص قطره زايد عن اللي موجود في العربيه 13/175/70 سنتيمتر وشويه . هل ده صح و لا انا حسبت غلط . ولو حسباتي صح . ينفع استخدم 14/195/50 يكون اقرب للاصلي اللي في العرييه..

ومعلش ان اول مشاركه ليا تكون سؤال . فيها نداله شويه بس حاعمل ايه مضطر ههههههه

**dentmostafa** · 15-03-2016 02:22 AM

معلش انا حسبتها تاني وطلعت الحسبة الاولى غلط
اسف للازعاج . واعتبروا الموضوع فرصه للتعارف
انا قولت برضه مستحيل رجالة اللانوس تعدي عليهم غلطه زي

**dentmostafa** · 15-03-2016 02:32 AM

استفسار تاني
هو انا كده كده حاجيب جنوط حديد مش سبور
هل جنوط 14 حتفرق كتير عن 15 من حيث الوزن والتاثير علة العفشه
لو مش حتفرق الواحد يجيب 15 وخلاص
يعني ممكن اجيب جنوط حديد بتاع لانسر بوما مقاس 15 ولا حتكون تقيله على العفشه

**pepo2011** · 15-03-2016 08:16 AM

طبعا لا اخرك 14
15 تقيلة اوي عالعربية والمقاس مفيهوش مشكلة واتوكل علي الله ومبروك

**dentmostafa** · 15-03-2016 10:33 AM

المشاركة الأصلية كتبت بواسطة pepo2011

طبعا لا اخرك 14
15 تقيلة اوي عالعربية والمقاس مفيهوش مشكلة واتوكل علي الله ومبروك

مشكووور ان شاء الله حاجيب 14
االله يبارك فيك
سؤال هو مقاس 14/185/60 يفرق تقريبا 0.12 سنتيمتر
عن الاصلي في نص القطر . بينما مقاس 14/195/55 يفرق 0.255 عن الاصلي . يعني الفرق ما بينهم تقريبا ملي وربع . فهل ممكن استخدم مقاس 14/195/55 بدلا من 14/185/60 ولا كده عداد السرعة حيخرف

**pepo2011** · 15-03-2016 10:46 AM

اتوكل علي الله 185

**dentmostafa** · 15-03-2016 04:27 PM

المشاركة الأصلية كتبت بواسطة pepo2011

اتوكل علي الله 185

انا قصدي 195 يدي ثبات اكتر للعربية وفي نفس الوقت مش حياثر
على عداد العربيه ل

**Mohamed Desoky** · 15-03-2016 06:09 PM

المشاركة الأصلية كتبت بواسطة dentmostafa

مشكووور ان شاء الله حاجيب 14
االله يبارك فيك
سؤال هو مقاس 14/185/60 يفرق تقريبا 0.12 سنتيمتر
عن الاصلي في نص القطر . بينما مقاس 14/195/55 يفرق 0.255 عن الاصلي . يعني الفرق ما بينهم تقريبا ملي وربع . فهل ممكن استخدم مقاس 14/195/55 بدلا من 14/185/60 ولا كده عداد السرعة حيخرف

السلام عليكم ورحمة الله وبركاته اهلا بيك انا جارك فى الشيخ زايد اول حاجه زى ماقال الزميل اخرك فى الانوس 14 لو فكرة فى 15 القطر الداخلى هيقفل على السوسته انتى اخرك 14 والدوشمه او الماستر بلقفص يتغير لاوبل والكاوتش لازم 185 /60 /14 ده المقاس متعديش منه وبعد كده الفرامل هتبقى حاجه تانيه واما الجنوط عندى 4 جنط 14 حديد بتوع العربيه لانى ركبت جنوط اسبور من الزيرو وكلمنى على الخاص طالمه انتى قريب منى وشكرا

**dentmostafa** · 15-03-2016 09:53 PM

المشاركة الأصلية كتبت بواسطة mohamed desoky

السلام عليكم ورحمة الله وبركاته اهلا بيك انا جارك فى الشيخ زايد اول حاجه زى ماقال الزميل اخرك فى الانوس 14 لو فكرة فى 15 القطر الداخلى هيقفل على السوسته انتى اخرك 14 والدوشمه او الماستر بلقفص يتغير لاوبل والكاوتش لازم 185 /60 /14 ده المقاس متعديش منه وبعد كده الفرامل هتبقى حاجه تانيه واما الجنوط عندى 4 جنط 14 حديد بتوع العربيه لانى ركبت جنوط اسبور من الزيرو وكلمنى على الخاص طالمه انتى قريب منى وشكرا

معلش تقريبا لازم اوصل 50 مشاركه علشان اعرف ابعتلك على الخاص
حضرتك ممكن تبعتلي نمرتك على الخاص واكلمك على الواتس ومشكووور للاهتمام ودي نمرتي 01025595650

**dentmostafa** · 15-03-2016 10:59 PM

معلش يا استاذ محمد دسوقي الموبايل عندي شكله فيه مشكله
هو حضرتك عارض الجنوط دي للبيع ولا ﻷ . ولو عارضهم حضرتك طالب فيهم كام

الموضوع: استفسار بخصوص جنوط وكاوتش لانوس

LinkBack

أدوات الموضوع

عرض

-

-

المواضيع المتشابهه

استفسار بخصوص جنوط وكاوتش فيات 128

استفسار بخصوص جنوط وكاوتش اوكتافيا a7 2015

إستفسار بخصوص جنوط وكاوتش للسيفيك

استفسار عن جنوط وكاوتش السيارة هيونداي فيرنا

لعمل احصائية لكل من لدية لانوس لمن يكون مغير جنوط وكاوتش

الكلمات الدلالية لهذا الموضوع

المفضلات

المفضلات

ضوابط المشاركة