الموضوع: استفسار بخصوص تسقيط الموتور

عندى سؤال للاخوة المختصين
انا ناوى باذن الله اشترى عربية مستمعلة موديل التسعينات ولما اتصلت باكتر من واحد من اصحاب الاعلانات الاقيه مسقط مكنة استيراد للعربية وغالبا بيكون من شهور قليلة.....فهل معنى كدة ان العربية كويسة لان غالبا الموتور حالته كويسة ومش خفيف ولا هو شدها علشان يبيعها ويخلص منها بعد ما اتهلكت شغل
فهل الافضل اشتريها ولا اشترى عربية بمكنتها الاصلية حتى لو كان كبس المكنة مش قد كدة -اكيد طبعا طالما العربية شغالة من عشرين سنة- وفى احتمال انها تحتاج شغل مستقبلا زى طقم شنابر او حتى عمرة كاملة

فين الردود يا شباب.....انتوا نمتوا ولا ايه

مش مهم مسقط مكنة ولا لأ المهم حالة السيارة وهل الماتور الجديد مثبوت على الرخصة ولا لأ

الافضل وعلشان تريح نفسك من وجع الدماغ انك تشتريها متسقطة جاهزة وحالتها كويسة
علشان هيقابلك حاجات كتيرة مثل :
اختيار موتور سليم - نقلة - مصنعية تركيبة - تركيب حاجات ولوازم حواليه - تغيير زيت وبوجيهات وسيور - نتيجة الشغل هل هتكون مرضيه ليك ولا لا - انت وحظك - اثبات الموتور فى المرور ...... وحاجات تانية كتير