الموضوع: مفيد ولا دعاية على الفاضي ؟ Motor Flush Gun

يا فندم هو فيه اراء ف استخدامه هعرضها علي حضرتك كلها بس هو كمنتج كويس و هتشوف الزيت هاينزل شكله ايه
اولا هو بيتحط ع الزيت القديم و تدور المكنه ٥دقايق و هي واقفه و تنزله
هتلاقي بقي فيه اختلاف انا بنصح حضرتك تقييس الزيت القديم و تحط الفلش عليه و تدور العربيه و تستني خمس دقايق و تنزله و تفك الفلتر و لو تحب يعني ممكن تحط كيلو زيت من الرخيص و تسيبه ينزل بردو و العربيه واقفه عشان يسحب بواقي الفلش
في ناس بتنصح تحط الفلش علي ربع كميه الزيت القديم و دي ما انصحش بيها لانها الفلش كده ممكن ياذي المكنه بسبب نقص الزيت و ارتفاع معدل الاحتكاك
فيه ناس تانيه بتنصح انك تحط زيت رخيص و تمشي به ١٠٠كيلو مثلا و تنزله و كده كانك غسلت الماتور بعيدا خالص عن استخدام الفلش
دي الاراء اللي سمعتها و اللي حضرتك تحبه اعمله بس اهم حاجه يكون الزيت الجديد مطابق لمواصفات الكتالوج بتاع العربيه
لو حضرتك تحب تسال ف حاجه انا تحت امرك
اتمني تتقبل مروري

نسيت اقول احضرتك بلاش تستعمله كتير يعني مرتين ف السنه كفايه اووووي عشان ما يبهدلش المكنه

شكرا يا شباب على الردود القيمة

أنا فعلا باغير الزيت بإنتظام وواضح كده إنه مالوش فايدة كتير ....أنا كنت مرة استعملت حاجة مشابهة عند 40 ألف و كان ماركة سيراتك على ما أتذكر و مفرقش كتير.

أنا مشكلتي الأساسية مع السحب ...العربية سحبها تعبان شوية (1600 اوتوماتيك سوبر أكشن) مع أني باعمل صيانة كل 10 ألاف كيلو و هناك بينضفوا حساس الأيدل كويس و الفلتر كمان و بستخدم زيت وولف 5w-40.