محتار وبرجاء الرد من أهل الخبره مشكله فيكترا سي ٢٠٠٧ مانيوال

**aadham** · 20-03-2016 01:08 PM

طيب انت عملت الحركة دى اللى فى الفيديو وشوفت الكود بتاع العطل اية
https://www.youtube.com/watch?v=k5opDq2QjQo
عد لما تركب جوه العربية فى 3 لفات للمفتاح فى الكونتاكت اول واحدة الكاسيت يشتغل و التانية انوار التابلوه تنور و التالتة للمرش
انت قبل ما تدخل المفتاح فى الكونتاكت هتدوس على دواسات الفرامل و البنزين للاخر خالص
و بعدين تدخل المفتاح فى الكونتاكت و تفتح للتاكة التانية "انوار التابلوه" من غير ما تدور العربية طبعا و انت لسا دايس على الدواسات و هتستنى 2 ثانية

هتلاقى لمبة التشيك هتبتدى تنور و تطفى كذا مرة و را بعض
هنبدا نعد مرات الطفى و التنوير " الفلاش " من اول مرة هتطفى فيها
لاحظ ان هيتكون كود من 4 ارقام بين كل رقم و التاني اللمبة هتفضل طافيه 2 ثانية
لاحظ ان الزيرو " 0 " اللمبة هتنور و تطفى 10 مرات
مثلا كود p0110
الأول هتنور و تطفى 10 مرات و بعدين هتسكت لمدة 2 ثانية و بعد كده هتنور مرة واحدة و هتسكت 2 ثانية و بعدين هتنور مرة واحدة و هتسكت 2 ثانية و بعدين هتنور 10 مرات
لاحظ ان لو فى اكتر من كود عطل هيبتدى الكود الثانى بعد 5 ثوانى من انتهاء الكود الأول
لاحظ ان لو مفيش اعطال اللمبة هتفضل تطفى و تنور بشكل منتظم لحد ما تشيل رجلك من على الفرامل و البنزين " وده اللى حصل معايا "
يا رب تكون المعلومات دى صحيحة و نستفيد منها كلنا

**cowboy4u501** · 21-03-2016 11:10 AM

شكرًا يا جماعه علي تفاعلكم معي بس للأسف فعلا طلع كنترول وتم تغييره والعربيه ضبطت معايا وانا فعلا مبسوط بس زعلان من ناحيه السعر للكنترول هههههههههه ٤٠٠٠ جنيه بس الحمد لله علي كل شيء

**aadham** · 21-03-2016 01:53 PM

الف مبرووووك غيرتة فين

**cowboy4u501** · 21-03-2016 07:26 PM

واحد اسمه احمد يحيي في شارع ورا سوق الجمله في المنصوره واحد اسمه شكري

**aadham** · 21-03-2016 11:09 PM

4000 برة التوكيل امال فى التوكيل بكام !!!!!! على العموم الف مبروك ربنا يبارك ويحصلكش اى اعطال تانى وسؤال تانى كدة انت اية نصيحتك لحد عاوز يشترى العربية دى 2007 مانويل بكل حيادية

**salahuddin_sad** · 21-03-2016 11:51 PM

اكشف كمبيوتر عليها

**cowboy4u501** · 22-03-2016 12:55 AM

بصراحه هيا العربيه لو مانيوال حكايه وبقالها معايا ٣ سنين شبه اعطال مفيش بس لو ستيبترونك يبقي لبست في حيطه عن تجارب مع ابن عمتي ٢٠٠٨ ستيبترونك طلعت عينه وباعها بسبب مشاكل الفتيس بالنسبه للمانيوال شبه عربيه عاديه مافيش مشاكل بس تكون العربيه سليمه اداء ممتع مشاكل. شبه ما فيش بس طبعا قطع غيار نار بس معمره بالنسبه للالماني كله عموما

**aadham** · 22-03-2016 01:07 AM

نورت المحكمة الف شكر ياباشا

**aadham** · 22-03-2016 03:29 AM

طيب سؤال تانى هل العربية فيها مشكلة حراررة؟
وايه اخبار التكييف هل فعلا مش كويس وفى مشكلة فى التلاجة؟

**cowboy4u501** · 23-03-2016 01:44 PM

تكييف الألماني كله تقريبا اداه ٧٥٪‏ يعني مش زي. الكوري. او الياباني إنما الحرارة ثابته عندي ٩٢ بالتكييف او غيره. إنما مافيش مشاكل بالنسبه للحرارة عندي