الموضوع: مساعده لأهل الخبره ..مشكله الباور ستيرنج فى فيكترا b

السلام عليكم و رحمه الله ..
كل سنه و كل اصدقاء منتدى الاوبل الرجاااااااااااااااله اولى .. و اللى عمرى ما قصدت حد فى خدمه حتى من غير ما يعرفنى فى خدمه و عمر ما حد ما خذلنى .. الحمد لله .
..
المهم .. انا عندى مشكله غريبه ... خرطوم الباور بتاع الراجع عمال يضرب .. صلحته بتاع 4 مرات من غير ما اغيره .. اكبس حته جديده مثلا أو اقص و اركب وصله ب كوليه .. و عمال يضرب .
الميكانيكى كان مكسل يغيره علشان رمضان .. المهم اخر الغلبه اشتريت واحد جديد مصرى و ركبته .
و للأسف برده بعد يومين ليك زيت بس مرحتش لسه للميكانيكى و راكنها بعد ما مشيت بيها 3 ايام العيد من غير ولا نقطه زيت فى الباور .. بس غصب عنى.
انا شخصيا مش مقتنع بكلام الميكانيكى ان الخرطوم القديم كان ضعيف .
اعتقد ان فى حاجه بتسد دوره الباور .. أو فى هوا فى الدوره .. بس كل مره يعنى فى هوا ؟؟
المشكله متهيألى ان بعد ما بمشى بسرعه 130 مثلا الباور بيفصل علشان الدركسيون يتقل .. امان يعنى و بعد ما بمشى ببطئ أو الطريق يقف مش بيفتح تانى فى الزيت يضرب أو ان الباور مش بيفصل فى السرعات العاليه فا بيضرب من زياده الضغط ؟
1- هل فى سولنيد فالف فى باور الفيكترا . يعمل باي باس يعنى ؟؟
2- يا ترى المشكله سببها ايه و حلها ازاي و ياريت عند مين علشان اكيد مش حروح لنفس الميكانيكى ؟؟
شكرا و كل سنه و انتو طيبيييييين