طلب نصيحة في اختيار اول سيارة

**kimochaser** · 20-03-2016 02:20 AM

السلام عليكم ورحمة الله وبركاته

أخوكم محمد من القاهرة, انا انشاء الله ربنا رزقني بقرشين علي قد الحال و كان نفسي اشتري سيارة حاليا بفكر مبين أوبل فكترا و بين الفا 156 بس انا ميال للاوبل اكتر لاسباب معروفة لحضرتكم مش عاوز اطول .

1- لو ربنا كرمني و لقيت حاجة اكشف عليها كويس اوي ازاي , انا ساكن في شبرا مصر بس ممكن اروح اخر الدنيا بس عند حد يتقي ربنا و يكون فاهم

2-تنصحوا بموديل معين في الفكترا لو اي نصيحة او معلومه ربنا يجزيكم خير عنا

**haisam ali** · 20-03-2016 10:49 AM

وعليكم السلام ورحمه الله وبركاته

مبدئيا بسم الله ماشاء الله حضرتك واضح إنك زوقك عالى وفاهم ... بتختار بين عربيتين لاجدال عليهم ... ولكن فى الاختيار بتاعنا دايما بنراعى حاجه ... قطع الغيار الاستيراد ... والكفه دى ارجح اوى فى ناحيه الفيكترا b ... حاليا هيا قطع غيارها استيراد ماليه السوق لدرجه ان الكبوت صاج وصل ل 100 جنيه ... الباب فاضى ب 150 جنيه ... شورت بلوك للموتور ال 2000 سى سى ب 2500 جنيه ... أسعار خياليه الصراحه

عمليه اعتماديه اعاده بيع مقارنه بين الاتنين هتبقى الفيكترا b
أهم حاجه الحاله الحاله الحاله ... لازم تراجع كويس جدا على الحاله من كشف على الشاسيه ( للاسف شاسيه الاوبل سهل لحامه لان البصمه تحت الكرسى الامامى للراكب - تفحص عفشه موتور تكييف باور لان الحجات دى فى الاوبل لو مبهدله هتزعلك أعطالل وصيانه

اخيرا مش عايزك قلقان خالص بس أهم حاجه تدور براحتك اوى
بالتوفيق ان شاء الله