مية قربة الريداتير بتنقص باستمرار (فيرنا )

**مصطفى اسماعيل** · 13-04-2016 02:37 AM

بس يا باشا السلام عليكم ورحمة الله
فيرنا اوتو 2013 103 لمفروض ام شئ كل 30 يوم او 25 يوم يتعمل دور غسيل كامل للداتير طبعا شوي مياة نار فى القربة وتدوس بنزين شوية تخلى مياة النار تاكل فى كل الصدا الى فى المكنة وبعد كدة تبدا دورة الغسيل بلمياة العادية لا الصدا كترة ممكن يسبب فى شرخ العلبة الفبر او القربة او اى مصورة او الوش طبعا بتاع اللداتير وانصح طبعا بعدم لو العلبة الفبر اتشرخت متلحماش بأى مادة لان كام يوم وتتشرخ تانى فى تغيرة افضل لو ملقتش اى نوع علبة عندى انا واى استسفار عن اللداتير انا تحت أمركم

**wael6** · 15-12-2016 10:29 AM

العربيه عندى القربة بتفضي كل اسبوع
هل هذا طبيعي .؟
مع العلم انى مسلك الريداتير ومشيك ع الكوعه من فترة
الموضوع ده ظهر لما حولت العربية من مانيوال الى اوتوماتيك
كانت الاول بزودها كل اسبوعين من اول الزيرو

متابعكم
وشكرا جزيلا

**tasaka** · 15-12-2016 11:11 AM

انا لقيت الكاوتشه اللى بداخل غطا القربة مقفعة وغيرتها
هل ممكن تكون بتسرب ولالا ؟

غير غطا القربه .. موش القربه كلها .. اشترى غطا جديد لنفس قربه عربيتك
علشان الضغوط جوه الدوره تفضل مظبوطه
الضغوط جوه الدوره بتعطى تبريد افضل

**اminaadel** · 15-12-2016 01:16 PM

برجاء المساعدة في حل المشكلة دي علشان انا روحت لكزا ميكانيكي و مش عارف الحل

انا معايا سوزوكي sx4 2008 و حصل ان الرادياتير كان فيه مشكلة و لحامات فغيرته و بعد لما غيرته لقيت الميه بتنقص بعد كل مشوار تقريبا نصف لتر، وعملت كبس للرادياتير علشان لو فيه تنفيس و طلع سليم و شوفت مكان الزيت في الموتور قولت يكون جايب جوان وش سلندر و طلع سليم و حطيط كرتونه تحت العربية علشان لو في تنقيط و طلع مافيش حاجة و العربيه تبريدها ممتاز و مش بتسخن مؤشر تحت النصف و كل حاجة سليمة
ارجوا الاهتمام و المساعدة علشان بقالي اسبوعين بلف علي الميكانيكية و مش واصل لحل

**tasaka** · 15-12-2016 02:31 PM

المشاركة الأصلية كتبت بواسطة اminaadel

برجاء المساعدة في حل المشكلة دي علشان انا روحت لكزا ميكانيكي و مش عارف الحل

انا معايا سوزوكي sx4 2008 و حصل ان الرادياتير كان فيه مشكلة و لحامات فغيرته و بعد لما غيرته لقيت الميه بتنقص بعد كل مشوار تقريبا نصف لتر، وعملت كبس للرادياتير علشان لو فيه تنفيس و طلع سليم و شوفت مكان الزيت في الموتور قولت يكون جايب جوان وش سلندر و طلع سليم و حطيط كرتونه تحت العربية علشان لو في تنقيط و طلع مافيش حاجة و العربيه تبريدها ممتاز و مش بتسخن مؤشر تحت النصف و كل حاجة سليمة
ارجوا الاهتمام و المساعدة علشان بقالي اسبوعين بلف علي الميكانيكية و مش واصل لحل

احتمال كبير لما غيرت الراديتير .. مخدتش الهوا كويس من الدوره

و فى الحاله دى حيفضل ينقص اول اسبوعين ثلاثه لغليه ما كل الهوا يخرج

حاول تخرج الهوا كله .. و افتح زرار السخن على اسخن حاجه علشان لو فيه هوا فى راديتير الدفايه فى الصالون يخرج كمان

حتدور العربيه و تسيبها دايره لغايه المروحه ما تشتغل و شوف اخبار الميه بتقل ام لا و زود الناقص

**tasaka** · 15-12-2016 03:03 PM

وعملت كبس للرادياتير علشان لو فيه تنفيس و طلع سليم

عملت كبس للرايتير فقط ؟؟ .. لانه كده موش حيعبر عن حاله دوره التبريد كامله

ام للدوره كامله ؟؟

**wael6** · 16-12-2016 03:18 AM

ما هى كيفية كبس دورة المياه ؟
عند الميكانيكي ولا فى البنزينة فى جهاز معين ؟
هل احل الكوعه واشيك على الخراطيم ؟
وهل نقص المياه ناتج عن تبريد الاوتوماتيك عنه فى المانيوال ؟
متابع
وشكرا جزيلا

**wael6** · 16-12-2016 03:42 AM

هو لما الريداتير مينقصش والقربة اللى تنقص بس
يبقي المشكلة فى القربه ؟
ولا ممكن تكون فى تسريب اخر بعيد عن القربة وعمل دايرة مغلقه ع الريداتير واخد نقصانه من القربة وبالتالى الريداتير هو اللى بينقص مش القربة ؟
مع العلم انى كل يوم الصبح بشوف الريداتير بلاقي الحمد لله مظبوط
هل انا فاهم صح ولالا ؟
وشكرا

**tasaka** · 16-12-2016 04:09 AM

اعتقد كبس الدوره حيكون عند بتاع الراديتير

المفروض الميه يفضل مستواها ثابت فى الدوره مكتمله .. بما فيها القربه

يعنى لو حصل نقص فى القربه يبقى سرب من مكان ما فى الدوره كلها .. تبتدى تبحث عنه

لما تحب تعرف الميه ناقصه ام لا .. قبل ما تدور الصبح بص على المستوى جوه القربه ( العربيه تبقى فى مكان افقى نسبيا ) .. المفروض يكون هو نفس المستوى بتاع الايام السابقه .. دى احد الطرق البسيطه

دوره التبريد بتكون تحت ضغط ( ده مفيد علشان دوره التبريد ) .. غطا القربه او الرديتير مهم للسبب ده .. و ممكن يكون نقص الميه احد اسبابه هو الغطا موش كويس

**اminaadel** · 25-12-2016 09:46 AM

المشاركة الأصلية كتبت بواسطة tasaka

عملت كبس للرايتير فقط ؟؟ .. لانه كده موش حيعبر عن حاله دوره التبريد كامله

ام للدوره كامله ؟؟

انا عملت كبس هواء على الرادياتير فقط عند بتاع الرادياتير - حطه تحت الميه و قفله من جنب بايده و حط خرطوم هواء من الجانب الاخر
فين اعمل كبس للدورة كلها ؟