الموضوع: برجاء الإفادة ..زراجين وضبط زوايا..وتركيب طقم إير باك وقشرة وتكويد كنترول

برجاء الإفادة وسرعة الرد جزاكم الله خيرا
أولا سكودا أوكتافيا a5 العجلة الأمامية يمين بسبب خبطة مأخره 2.25سم مركز الزوايا قالي على واحد أسمه ناصر ..زوايا وزراجين... حرفيين السلام شغال في الاسكودا هيظبها من مسامير القنطرة ب100 جنيه
وزميل محترم على الفيس قالي غير المقص افضل واحسن
ايه الصح للتاكيد بمعرفة اكتر من راي وكمان لو هغير مقص يمين فيه نوع محترم متجرب في السوق ولا لازم الاصلي

الموضوع التاني عايز واحد يركب كبسولة طارة وكبسولة طابلوه وقشرة و2حزام أمان ...وبالتاكيد هيفك الكنترول ويكود ...بس واحد خبرة وعنده ضمير ومحترم مش سفاح فلوس ويرجعها لاصلها ...م.نصر او حرفيين السلام يكون افضل ...ولو متاكدين من واحد ومتجرب قبل كده مش مشكلة اروحله المهم يرجعها لاصلها ..وجزاكم الله خيرا
وبالنسبة لل2حزام الامان قفلوا نتيجة الخبطة ياترى بيتصلحوا اكيد ويرجعوا زي ما كانو ولا تغيير على طول بدون محاولات وصرف ووجع قلب.

وأنا كمان متابع ههههه ....
بالنسبة للمشكلة الأولى إتحلت والحمد لله سألت أكتر من مركز ضبط زوايا من غير ما أجيب سيرة أي حل سمعته علشان أشوف الرد والكل أكد على الحل الخاص بمسامير القنطرة وروحت فعلا لضبط الزوايا بالحرفيين وظبطها من مسامير القنطرة وشوفت النتيجة والحمد لله تمام لحد دلوقت.

أما بالنسبة للمشكلة الثانية مفيش أي رد وعايز أضيف إستفسار كمان هل ممكن أركب القشرة والكبسولتين وال2 حزام أمان وبعدين أعمل قصة الكنترول دي بعد كده علشان التكلفة مع العلم إني عايز أفصل أيرباج الطابلوه علشان عربيتي مافيهاش الزرار اللي بيفصلها ولا ,,اللي هيعمل الكنترول لازم يكون أثناء فك وتركيب اللي فات برجاء الرد من ذوي الخبرة