عايز اركب المصفحة الحديد

**aboadham** · 24-03-2016 01:40 AM

الإخوة المحترمين . أنا عربيتي فانتازيا ٢٠١٠ خليجي. و المصفحة إللى فيها فيبر و كنت عايز اركب الحديد. السؤال ياتري تركب فابريكة ولا حيبقى فيها تعديلات. و ياريت لو حد عنده فكرة عن اسعارها. ألموجود منها نوعين. واحد صيني ب ٥٥٠ و حيتعمل فيه تعديل. و اتفرجت على مصفحة استعمال فى الحرفيين ب ١٥٠٠ جنيه كاملة بالبار الحديد إللى بتركب عليه. يا ريت إللى عنده فكرة من الإخوة الأفاضل يقول عليها و له جزيل الشكر

**ahmed.biso13** · 24-03-2016 05:48 PM

انا راى تركب اكسادام دددداخلى حديد افضل حتى لوكان هناك تعديل افضل يكون فى الالاكسدام الداخلى وليس السيارة
لان الفيبر فيه ميزة وفى عيب وهو انه غالى وعيبة انه بيتكسر من اقل خبطة بينما الحديد ممكن يتعدل ويمشى الواحد
كمان خبطة
لان الفكرة انا بفكر اعملها بس عاوزة شغل هندسى لانى عاوز اركبه فى السيارةالتمبرا بس مش فاضى لاكن حاططها ف دماغى فى اقرب وقت مع ان الوالد سمكرى وقريب من عزبة شلبى
وومكن فكرة افضل تركب اكسدام المونيوم لادا لان الالمونيوم يمتص الصدمات ويمكن تعديله

**aboadham** · 24-03-2016 09:53 PM

المصفحة إللى عايز أركبها علشان حماية السيارة من تحت. اللي عرفته ان سيارات الوكيل بتنزل بالمصفحة الحديد و هى دي اللي عايز أركبها لان إللى عندي فيبر. الموضوع مالوش اي علاقة بالاكصدام

**AHMEDJUDDY** · 25-03-2016 03:00 PM

انا معايا 2012 و المصفحه فبر .. وروحت اركب الحديد في التوكيل قالوا انها بمبلغ 1500 الي 2000 جم تقريبا بس المشكله انها مش هينفع تركب عندي لان البار الحديد ليه قواعد مش موجوده فب تصميم عربيتي ... فسبتها علي الله وكدا كدا العربيه عاليه علي الارض و خد اي شئ عالي فوق فرده الكاوتش ومتدخلش اي حاجه عاليه تحت العربيه و ربنا يستر .

**aboadham** · 25-03-2016 09:31 PM

شكرًا على الرد يا احمد بيه. العربية عندى خليجى و ارتفاعها عن الارض اقل بكتير من عربيّات التوكيل. علشان كده فكرت فى موضوع المصفحة. لو سعر التوكيل زي ما قولت كده يبقى التوكيل أحسن ولا آيه رأيك

**محمد بلال** · 26-03-2016 11:28 AM

طبعا لو السعر متقارب يبقى التوكيل افضل

**AHMEDJUDDY** · 27-03-2016 08:50 PM

المشاركة الأصلية كتبت بواسطة aboadham

شكرًا على الرد يا احمد بيه. العربية عندى خليجى و ارتفاعها عن الارض اقل بكتير من عربيّات التوكيل. علشان كده فكرت فى موضوع المصفحة. لو سعر التوكيل زي ما قولت كده يبقى التوكيل أحسن ولا آيه رأيك

العفو يا سعاده الباشا ... المشكله معانا مش في السعر المشكله ان المهندس قالي ان المصفحه الحديد مينفعش تركب عندي علشان ليها قواعد خاصه ... مش موجوده عندي ... عموما ممكن تشتريها و تروح لسمكري محترم يعملك تعديل في العربيه من تحت و يركبها ...