الموضوع: استفسار بخصوص بروتون ساجا جديد

انا كنت بدور على عربية تكون سعرها معقوول بالنسبالي وتكون اتوماتك او مامنوال وامري للة
فكنت بقارن بين الاميجراند والبي واي دي والاسبرانزا
فلاقيت الاميجراند خفيفة وعن تجربة من واحد صاحبي
والبي واي دي الاتوماتك فيه مشاكل السنين
والمانوال بيقوولو كويس

والاسبرانزا بيقولو بعد شراكة غابور وانه خد التوكيل ان الموديل بتاع السنادي هيكون كويس

فانا محتار وقلت خلاص مبدهاش هاشتري البي واي دي المانوال وامري لله

فبدور في موقع الليثي فلاقيت بروتون سيجا جديد بي ٨٣ الف ونص واتوماتك فاستغربت
من السعر وقلت هيه دي
فقلت مفيش غير هنا ادور على معلومات عنها
واتصدمت لما لاقيت ان في موضوع مكتوب فيه ان اخر انتاج ليها سنة ٢٠١٣
فانا مش عارف اللي عند الليثي دي موديل كاام
ولو ٢٠١٣ هاتكون اتبهدلت
فياريت تساعدوني بمعلومات عن اصدارها وهيه موجرده فعلا واللا لاه وانا هبقى بردو اكلم الليثي اسأل عليها بكره ان شاء الله
ولو في اي اقتراحات تانية ياريت
اه حاجه اخيره انا كنت قلت اجيب رينو لوجان بس قطع غيارها غاليه بخلاف موضوع الفتيس والسحب
وقلت طب اللادا الجديده بس قلت شكلها شكل الوجن القديم وعيب الديهان اللي الناس اتكلمت عليه
انا اسف على الايطاله بس انا دماغي بتون مش عارف اعمل ايه خايف ألبس وانا مش ناقص بصراحة

وشكراا

المغروص امها كده نزلت الانفنتي والتيجو
وواحد صحبي بيقلي اكيد هيظبط الاداء في الاول علشان يسمع وبعد كده هيقلل في الماتريل زي اي نوع نزل قبل كدة واللة اعلم
بالنسبة للرينو اول فئة مافهاش اي كماليات زائد ان قطع غيارها بيقولو غالية