جيتا 2009 الفتيس القديم

**Skoda5** · 27-03-2016 11:30 PM

السلام عليكم على احلى رجالة..دلوقتى انا معايا جيتا 2009 الفتيس القديم لسة جايبها من شهر تقريبا..

صرفت عليها فوق ال 20 الف جنية طبعا مغير فيها حاجات كتير جدا.. و عاملها صيانة كاملة

.. المشكلة بقى ان العربية سحبها بطىء جدا جدا يعنى من 0-60 فى 11 ثانية تقريبا و من 0 الى 100 فى 22 ثانية ! و مش بتكسر ال150 حتى مع الاوكتان بوستر و المنظف.. كشفت عليها عند كذة حد.. اول واحد الى عملى العربية.. قالى محتاجة تلين.. عربية ماشية 120 الف حتلين اية ؟ انا اة مغير حاجات فى العفشة بس هل ليها علاقة ؟ المهم مقتنعتش بكلامه و روحت لهريسا فى الاسكندرية.. قالى العربية مفيهاش حاجة و شاف : البوجيهات ، طرمبة البنزين ، فلتر البنزين ، فلتر الهوا ، حساس الشكمان ، نضف البوابة .. و برضو سحبها زى ماهو!!

انا قلت مفيش قدامى غيركوا الى حتجبولى الزتونة و اسف على الاطالة

**Skoda5** · 28-03-2016 12:35 PM

فين اهل الخبرة ياريت حد يساعدنى يا رجالة

**AMRPEGAS** · 28-03-2016 04:16 PM

انا كنت بجيب بعربيتي 190 وكنت منضف البوابه وبجيهات جديده وحاطيط زيت كاسترول ماجنيتيك وشحمت صليبه الكوبلن
ممكن تكشف عل كبس الموتور
بس عموما العربيه طلعتها بطيئه

**Skoda5** · 28-03-2016 04:29 PM

المشاركة الأصلية كتبت بواسطة amrpegas

انا كنت بجيب بعربيتي 190 وكنت منضف البوابه وبجيهات جديده وحاطيط زيت كاسترول ماجنيتيك وشحمت صليبه الكوبلن
ممكن تكشف عل كبس الموتور
بس عموما العربيه طلعتها بطيئه

ايوة انا عارف ان طلعتها بطيئة بس مش لدرجة ان من 0 الى 100 فى 22 ثانية.. و الى قبل دى كانت 2006 كنت بجيب بيها سرعة.. زى ما حضرتك شايف انا مغير حاجات كتير .. و على العموم حكشف على كبس الموتور دة بس ممكن حضرتك تفهمنى هو عبارة عن اية و وظيفته اية.. و اية المشاكل الى ممكن تبقى فيه ؟ انا اسف حتقل عليك بس انا خبرتى على قدى و اتمنى ان استفيد من حد خبرة زى حضرتك

**Eslam.Elrefaey** · 29-03-2016 06:41 AM

صارف المبلغ الخرافى ده فى ايه يا كبير رقم مرعب

**Skoda5** · 29-03-2016 12:17 PM

المشاركة الأصلية كتبت بواسطة eslam.elrefaey

صارف المبلغ الخرافى ده فى ايه يا كبير رقم مرعب

هو اكيد اتنصب عليا فيه بس غلطتى انى وثقت فى واحد جارى و منزلتش سألت بنفسى.. كنت مغير اسكترا و مساعدين دول كانوا اغلى حاجة عملين 8500..و صيانة العربية 120 الف عاملة حوالى 4000 .. و شوية كامليات فوجات على زينون على حاجات كانت العربية محتجاها و سروجى و مصنعية دخلوا معايا فى 20 الف جنية.. و اكتشفت بعد كدة ان كان ممكن اعمل كل دة ب نص الفلوس.. و حسبي الله و نعم الوكيل

**Eslam.Elrefaey** · 30-03-2016 06:39 AM

خير اهو اتعلمت علشان بعد كده فى المستقبل

**pepo2011** · 30-03-2016 09:51 AM

ياباشا فداك وماتقلقش اطمن حضرتك لو في القاهرة كنت ظبطلك الموضوع ده في 5 دقايق عند متخصص ومحترف عندنا
عموما حضرتك بالراحة كده هاتوصل للعيب انشاء الله
اما بخصوص المبلغ المصروف فهو فعلا مبالغ فيه جدااااااا بس قدر الله وماشاء فعل