ازاى اعرف ابعاد عربيتى فى الطريق

**ottana** · 27-11-2008 05:42 PM

فى اول مشاركة ليا فى المنتدى الجميل دة ,, احب اشكر اعضاء المنتدى الرائع على روح الاخوة اللى بينهم
مشكلتى انا لسة بسوق جديد و مشيت فى شارع ضيق اتجاهين و بسبب من عدم معرفتى لتحديد ابعادعربيتى صدمت سيدة كانت ماشية جنب الرصيف و الحمد لله ربنا ستر و السيدة لم يحدث ليها شئ و من ساعة الحادثة دى و انا خايفة اقرب من العربية و مش عارفة بجد اعمل اية

**Mohamed_Ibiza** · 27-11-2008 06:56 PM

بصي يا اوتانا

المشكلة دي ممكن تكون قابلت كل اللي لسه بيسوقه جديد
بس انا ملقيتش ليهاحل غير بالاستمرار يعني عامل الخبرة هو اهم حاجة في حفظ ابعاد السيارة

ويارب حد يكون خبرة اكتر مني يفيدك

**pro_samir** · 27-11-2008 08:03 PM

خدى حد معاكى وروحى حتة فاضية وجربى أى حاجة انتى خايفة منها فى السواقة
يعنى مثلا لو مش بتعرفى تقدرى ابعاد العربية من ناحية اليمين حطى اقماع او اى حاجة على الارض و حاولى تقربى منها باقرب مسافة ممكنة وعلى سرعات مختلفة بحيث انك تعدى جنبها بالظبط مرة تخبطيها مرة تتظبط معاكى لحد ما تعرفى ابعاد العربية بالنظر كدة
وجربى كتيررر بالتجربة والممارسة هتبتدى تتعودى
لان الموضوع دة مش مرتبط بابعاد العربية دة مرتبط بخبرة السواقة
والسواقة كلها عبارة عن ممارسة اساسا

**EslaM_NagY** · 28-11-2008 10:06 PM

المشاركة الأصلية كتبت بواسطة دموع الثلج

اخر التابلوه بتاعه العربيه يمين وشمال هى دى ابعاد عربيتك

لا لسة فى باب ومراية ودول مش قصيرين

**hamdy** · 29-11-2008 10:00 AM

المشاركة الأصلية كتبت بواسطة دموع الثلج

بصى بمنتهى بسـاطه

ااابعــاد العربيــه ااامام وخلف

لو انت شايفه مقدمه السياره بسهوله يبقى تمام لو مش قادره تشوفى اخر الكبوت

يبقى خلى حد يوقف قدامك يلزق فى الكبوت وانتى بالنظر ده احفظى المسافه بتاعه مقدمه السياره وبنفس الطريقه كده للخلف

نيجى لجوانب العربيه

اخر التابلوه بتاعه العربيه يمين وشمال هى دى ابعاد عربيتك

يعنى شوفى الزجاج الامامى من الناحيه اليمين ده بعد جنب العربيه يمين وكذلك الشمال
احفظيها كده ومع الممارسه هتعودى وهتبقى تمام

بالظبط كده ولو تعرفي تاجري عيل صغير تلزقيه في الكبوت يبقا كويس :k21:

**أشرف العدوي** · 29-11-2008 02:40 PM

كلها خروجتين بالعربية و تبقى زي الفل
انا اول ما جبت العربية حكت مني بطول الجانب الأيمن
و بعد كدة قعدت يومين ما اخرجش بالعربية
و بعدين قولت ما بدهاش
خدتها و بقيت انزل في اماكن زحمة عن قصد زي شارغ فيصل ميدان الجيزة
شارع السودان شارع جامعة الدول بس كنت بكون حريص قوي و على مهلي في كل حاجة
لحد ما بقيت زي الفل و ما بقتش أخاف من اي حاجة و حفظتها صم